ਮਸਨੂਈ ਬੌਧਿਕਤਾ ਦੇ ਰੁਝਾਨ ਤੇ ਭਵਿੱਖ ਬਾਰੇ ਸੈਮੀਨਾਰ

ਮੁਹਾਲੀ

ਇੱਥੋਂ ਦੇ ਗਿਆਨ ਜਯੋਤੀ ਇੰਸਟੀਚਿਊਟ ਆਫ਼ ਮੈਨੇਜਮੈਂਟ ਐਂਡ ਟੈਕਨਾਲੋਜੀ ਫੇਜ਼-2 ਵਿੱਚ ਮਸਨੂਈ ਬੌਧਿਕਤਾ (ਏਆਈ) ਦੇ ਉੱਭਰਦੇ ਰੁਝਾਨ ਤੇ ਭਵਿੱਖ ਬਾਰੇ ਸੈਮੀਨਾਰ ਕਰਵਾਇਆ ਗਿਆ। ਇਸ ਮੌਕੇ ਵਿਦਿਆਰਥੀਆਂ ਨੂੰ ਮਸਨੂਈ ਬੌਧਿਕਤਾ ਦੇ ਵਿਕਸਤ ਹੋ ਰਹੇ ਖੇਤਰ ਤੇ ਇਸ ਦੇ ਵਿਹਾਰਕ ਉਦਯੋਗਾਂ ਬਾਰੇ ਸੂਝ-ਬੂਝ ਪ੍ਰਦਾਨ ਕਰਨ ਲਈ ਤਿਆਰ ਕੀਤਾ ਗਿਆ। ਸੇਰੇਬ੍ਰਲ ਇੰਪਲਸ ਦੇ ਤਕਨੀਕੀ ਸਲਾਹਕਾਰ ਡਾ. ਪ੍ਰੋ. ਸੁਸ਼ੀਲ ਨਾਰੰਗ ਨੇ ਏਆਈ ਵਿੱਚ ਉੱਭਰ ਰਹੇ ਰੁਝਾਨਾਂ ਤੇ ਉਦਯੋਗਾਂ ’ਤੇ ਇਸ ਦੇ ਪ੍ਰਭਾਵ ਬਾਰੇ ਦੱਸਿਆ। ਜਦੋਂਕਿ ਜਨਰਲ ਜ਼ੈੱਡ ਟੈਕਨੋਪ੍ਰੀਨਿਓਰ ਦੇ ਸੰਸਥਾਪਕ ਅੰਸ਼ੁਲ ਮਿੱਤਲ ਨੇ ਆਰਟੀਫੀਸ਼ੀਅਲ ਇੰਟੈਲੀਜੈਂਸ ਦੇ ਭਵਿੱਖ ਤੇ ਟੈਕਨਾਲੋਜੀ ਦੇ ਲੈਂਡਸਕੇਪ ਵਿੱਚ ਕ੍ਰਾਂਤੀ ਲਿਆਉਣ ਦੀ ਸੰਭਾਵਨਾ ਬਾਰੇ ਚਰਚਾ ਕੀਤੀ। ਇਸ ਤੋਂ ਪਹਿਲਾਂ ਡਾਇਰੈਕਟਰ ਡਾ. ਅਨੀਤ ਬੇਦੀ ਨੇ ਵੀ ਇਸ ਵਿਸ਼ੇ ’ਤੇ ਵਿਚਾਰ ਸਾਂਝੇ ਕੀਤੇ। -ਪੱਤਰ ਪ੍ਰੇਰਕ