ਹੈਰੋਇਨ ਅਤੇ ਨਸ਼ੀਲੀਆਂ ਗੋਲੀਆਂ ਸਣੇ ਕਾਬੂ

ਰਾਏਕੋਟ (ਨਿੱਜੀ ਪੱਤਰ ਪ੍ਰੇਰਕ)

ਥਾਣਾ ਸਦਰ ਰਾਏਕੋਟ ਦੀ ਪੁਲੀਸ ਨੇ ਸਕੂਟਰੀ ਸਵਾਰ ਤੋਂ 7 ਗਰਾਮ ਹੈਰੋਇਨ ਅਤੇ 1105 ਨਸ਼ੀਲੀਆਂ ਗੋਲੀਆਂ ਬਰਾਮਦ ਕਰਨ ਦਾ ਦਾਅਵਾ ਕੀਤਾ ਹੈ। ਜਾਂਚ ਅਫ਼ਸਰ ਥਾਣੇਦਾਰ ਗੁਰਮੀਤ ਸਿੰਘ ਅਨੁਸਾਰ ਗਸ਼ਤ ਦੌਰਾਨ ਮਿਲੀ ਇਤਲਾਹ ਬਾਅਦ ਬਿੰਜਲ ਦੇ ਬੱਸ ਅੱਡੇ ਉਪਰ ਨਾਕੇਬੰਦੀ ਦੌਰਾਨ ਸੀਲੋਆਣੀ ਤੋਂ ਰਾਏਕੋਟ ਨੂੰ ਜਾ ਰਹੀ ਸਕੂਟਰੀ ਨੰਬਰ ਪੀਬੀ 10 ਐੱਚਯੂ 7180 ਨੂੰ ਰੋਕ ਕੇ ਚੈੱਕ ਕੀਤਾ ਗਿਆ ਤਾਂ ਸਕੂਟਰੀ ਸਵਾਰ ਕੋਲੋਂ 7 ਗਰਾਮ ਹੈਰੋਇਨ ਅਤੇ 1105 ਨਸ਼ੀਲੀਆਂ ਗੋਲੀਆਂ ਬਰਾਮਦ ਕੀਤੀਆਂ ਗਈਆਂ। ਮੁਲਜ਼ਮ ਦੀ ਪਹਿਚਾਣ ਰਾਜਵਿੰਦਰ ਸਿੰਘ ਉਰਫ਼ ਰਾਜੂ ਪੁੱਤਰ ਬੂੜਾ ਸਿੰਘ ਵਾਸੀ ਪਿੰਡ ਆਲੀਵਾਲ ਵਜੋਂ ਹੋਈ ਹੈ। ਜਾਂਚ ਅਫ਼ਸਰ ਗੁਰਮੀਤ ਸਿੰਘ ਅਨੁਸਾਰ ਮੁਲਜ਼ਮ ਨੂੰ ਗ੍ਰਿਫ਼ਤਾਰ ਕਰਨ ਉਪਰੰਤ ਉਸ ਵਿਰੁੱਧ ਨਸ਼ਾ ਤਸਕਰੀ ਰੋਕੂ ਕਾਨੂੰਨ ਅਧੀਨ ਕਾਰਵਾਈ ਅਰੰਭ ਦਿੱਤੀ ਹੈ।