ਉਪ ਰਾਸ਼ਟਰਪਤੀ ਜਗਦੀਪ ਧਨਖੜ ਦੀ ਸੁਰੱਖਿਆ ਵਿੱਚ ਸੰਨ੍ਹ

ਨਵੀਂ ਦਿੱਲੀ, 21 ਦਸੰਬਰ

ਉਪ ਰਾਸ਼ਟਰਪਤੀ ਜਗਦੀਪ ਧਨਖੜ ਦੀ ਸੁਰੱਖਿਆ ਵਿੱਚ ਅੱਜ ਸੰਨ੍ਹ ਲੱਗਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਉਨ੍ਹਾਂ ਦੀ ਸੁਰੱਖਿਆ ਵਿਚ ਉਸ ਵੇਲੇ ਸੰਨ੍ਹ ਲੱਗੀ ਜਦੋਂ ਉਹ ਹਰਿਆਣਾ ਦੇ ਸਾਬਕਾ ਮੁੱਖ ਮੰਤਰੀ ਓਮ ਪ੍ਰਕਾਸ਼ ਚੌਟਾਲਾ ਨੂੰ ਸ਼ਰਧਾਂਜਲੀ ਦੇਣ ਜਾ ਰਹੇ ਸਨ। ਇਸ ਦੌਰਾਨ ਉਨ੍ਹਾਂ ਦੇ ਕਾਫਲੇ ਤੋਂ ਅੱਗੇ ਇਕ ਹੋਰ ਵੀਆਈਪੀ ਦਾ ਕਾਫਲਾ ਲੰਘ ਗਿਆ ਜਦੋਂ ਕਿ ਨੇਮਾਂ ਮੁਤਾਬਕ ਉਸ ਸੜਕ ’ਤੇ ਹੋਰ ਕੋਈ ਵੀਆਈਪੀ ਕਾਫਲਾ ਚੱਲਣ ਦੀ ਇਜਾਜ਼ਤ ਨਹੀਂ ਹੁੰਦੀ। -ਪੀਟੀਆਈ