ਚੰਦੂਮਾਜਰਾ ਘਰ ’ਚ ਇਕਾਂਤਵਾਸ

ਨਿੱਜੀ ਪੱਤਰ ਪ੍ਰੇਰਕ

ਪਟਿਆਲਾ, 22 ਅਗਸਤ

ਪਟਿਆਲਾ ਜ਼ਿਲ੍ਹੇ ਦੇ ਹਲਕਾ ਸਨੌਰ ਤੋਂ ਅਕਾਲੀ ਵਿਧਾਇਕ ਹਰਿੰਦਰਪਾਲ ਸਿੰਘ ਚੰਦੂਮਾਜਰਾ ਨੇ ਕਰੋਨਾ ਇਹਤਿਆਤ ਵਜੋਂ ਆਪਣੇ ਆਪ ਨੂੰ ਆਪਣੇ ਸਥਾਨਕ ਘਰ ’ਚ ਇਕਾਂਤਵਾਸ ਕਰ ਲਿਆ ਹੈ। ਉਨ੍ਹਾਂ ਦੱਸਿਆ ਕਿ ਬੀਤੇ ਦਿਨ ਉਹ ਪਾਣੀਆਂ ਦੇ ਮੁੱਦੇ ’ਤੇ ਇੱਕ ਨਿੱਜੀ ਚੈਨਲ ’ਤੇ ਅੰਬਾਲਾ ਤੋਂ ਐੱਮ.ਐੱਲ.ਏ. ਅਸੀਮ ਗੋਇਲ ਦੇ ਸੰਪਰਕ ’ਚ ਆਇਆ ਸੀ, ਲਿਹਾਜ਼ਾ ਕੁਝ ਸਮੇਂ ਬਾਅਦ ਖ਼ਬਰ ਮਿਲੀ ਕਿ ਅਸੀਮ ਗੋਇਲ ਦੀ ਰਿਪੋਰਟ ਕਰੋਨਾ ਪਾਜ਼ੇਟਿਵ ਆਈ ਹੈ ਜਿਸ ਕਾਰਨ ਹੁਣ ਉਨ੍ਹਾਂ ਨੇ ਵੀ 25 ਅਗਸਤ ਨੂੰ ਕਰੋਨਾ ਟੈਸਟ ਕਰਵਾਉਣ ਦਾ ਵੀ ਫੈਸਲਾ ਲਿਆ ਹੈ।