ਸੀਟ ਨੰ. 11 A: ਐਮਰਜੈਂਸੀ ਦਰਵਾਜ਼ੇ ਦੇ ਨੇੜੇ ਬੈਠਣਾ ਰਮੇਸ਼ ਲਈ ਚਮਤਕਾਰੀ ਸਾਬਤ ਹੋਇਆ
01:30 PM Jun 13, 2025 IST
ਹਾਦਸੇ ਵਿਚ ਬਚੇ ਇੱਕੋ ਇੱਕ ਯਾਤਰੀ ਰਮੇਸ਼ ਦਾ ਹਾਲ ਪੁੱਛਦੇ ਹੋਏ ਪ੍ਰਧਾਨ ਮੰਤਰੀ ਮੋਦੀ। ਫੋਟੋ ਪੀਟੀਆਈ
ਨਵੀਂ ਦਿੱਲੀ, 13 ਜੂਨ
Advertisement
'miracle of seat 11A': ਵੀਰਵਾਰ ਨੂੰ ਹਾਦਸਾਗ੍ਰਸਤ ਹੋਈ ਏਅਰ ਇੰਡੀਆ ਡ੍ਰੀਮਲਾਈਨਰ ਵਿੱਚ 241 ਵਿਅਕਤੀ ਸਵਾਰ ਸਨ। ਇਸ ਭਿਆਨਕ ਹਾਦਸੇ ਵਿਚ ਸਿਰਫ਼ ਇੱਕ ਵਿਅਕਤੀ ਹੀ ਬਚ ਸਕਿਆ। ਇੱਕ ਬ੍ਰਿਟਿਸ਼ ਨਾਗਰਿਕ ਰਮੇਸ਼ ਵਿਸ਼ਵਾਸ ਕੁਮਾਰ(45) '11A' ਸੀਟ ’ਤੇ ਸਵਾਰ ਸੀ। ਜ਼ਿਕਰਯੋਗ ਹੈ ਕਿ ਬੋਇੰਗ 787-8 ਜਹਾਜ਼ ਜਿਸ ਨੂੰ ਡ੍ਰੀਮਲਾਈਨਰ ਵਜੋਂ ਜਾਣਿਆ ਜਾਂਦਾ ਹੈ, ਜੋ ਅਹਿਮਦਾਬਾਦ-ਲੰਡਨ AI171 ਉਡਾਣ ਚਲਾ ਰਿਹਾ ਸੀ, ਵਿੱਚ 242 ਲੋਕ ਸਵਾਰ ਸਨ।
ਚਮਤਕਾਰੀ ਸੀਟ '11A' ਏਅਰ ਇੰਡੀਆ ਦੇ B787-8 ਜਹਾਜ਼ਾਂ ਦੇ ਇਕਾਨਮੀ ਕਲਾਸ ਦੀ ਪਹਿਲੀ ਕਤਾਰ ਵਿੱਚ ਛੇ ਸੀਟਾਂ ਵਿੱਚੋਂ ਇੱਕ ਹੈ। ਸੀਟ ਮੈਪ ਦੇ ਅਨੁਸਾਰ ਇਹ ਐਮਰਜੈਂਸੀ ਐਗਜ਼ਿਟ ਦਰਵਾਜ਼ਿਆਂ ਵਿੱਚੋਂ ਇੱਕ ਦੇ ਨਾਲ-ਨਾਲ ਏਅਰਕ੍ਰਾਫਟ ਗੈਲੀ ਖੇਤਰ ਦੇ ਨੇੜੇ ਵਿੰਡੋ ਸੀਟ ਹੈ। ਭਾਵੇਂ ਕਿ ਰਮੇਸ਼ ਨੂੰ ਅੱਗ ਲੱਗਣ ਵਾਲੇ ਜਹਾਜ਼ ਵਿੱਚੋਂ ਬਾਹਰ ਨਿਕਲਣ ਵਿੱਚ ਮਦਦ ਕਰਨ ਵਾਲੇ ਕਾਰਕਾਂ ਬਾਰੇ ਸਿੱਟਾ ਕੱਢਣਾ ਬਹੁਤ ਜਲਦੀ ਹੋ ਸਕਦਾ ਹੈ, ਪਰ ਐਮਰਜੈਂਸੀ ਐਗਜ਼ਿਟ ਦਰਵਾਜ਼ੇ ਦੇ ਨੇੜੇ ਬੈਠਣਾ ਉਸਦੇ ਚਮਤਕਾਰੀ ਬਚਣ ਦੇ ਕਾਰਨਾਂ ਵਿੱਚੋਂ ਇੱਕ ਹੋ ਸਕਦਾ ਹੈ।
ਵਰਤਮਾਨ ਵਿੱਚ ਏਅਰ ਇੰਡੀਆ ਦੇ ਬੇੜੇ ਵਿੱਚ 27 B787-8 ਜਹਾਜ਼ ਹਨ ਅਤੇ ਇਨ੍ਹਾਂ ਵਿੱਚੋਂ ਹਰੇਕ ਵਿੱਚ 238 ਇਕਾਨਮੀ ਅਤੇ 18 ਬਿਜ਼ਨਸ ਕਲਾਸ ਸੀਟਾਂ ਹਨ। ਇਹ ਸਾਰੇ ਜਹਾਜ਼ ਆਉਣ ਵਾਲੇ ਮਹੀਨਿਆਂ ਵਿੱਚ ਨਵੀਨੀਕਰਨ ਲਈ ਜਾਣ ਲਈ ਤਿਆਰ ਹਨ। ਏਅਰ ਇੰਡੀਆ ਨੇ ਪੁਸ਼ਟੀ ਕੀਤੀ ਹੈ ਕਿ AI171 ਉਡਾਣ ਵਿੱਚ ਸਵਾਰ 241 ਲੋਕਾਂ ਦੀ ਮੌਤ ਹੋ ਗਈ ਹੈ। ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨੇ ਵੀਰਵਾਰ ਨੂੰ ਰਮੇਸ਼ ਨਾਲ ਮੁਲਾਕਾਤ ਕਰਨ ਅਤੇ ਕਰੈਸ਼ ਸਾਈਟ ਦਾ ਦੌਰਾ ਕਰਨ ਤੋਂ ਬਾਅਦ ਕਿਹਾ, "ਚੰਗੀ ਖ਼ਬਰ ਇਹ ਹੈ ਕਿ ਇੱਕ ਵਿਅਕਤੀ ਹਾਦਸੇ ਵਿੱਚ ਬਚ ਗਿਆ..."। ਜਹਾਜ਼ ਵਿੱਚ ਸਵਾਰ 242 ਲੋਕਾਂ ਵਿੱਚੋਂ 169 ਭਾਰਤੀ ਨਾਗਰਿਕ, 53 ਬ੍ਰਿਟਿਸ਼ ਨਾਗਰਿਕ, 7 ਪੁਰਤਗਾਲੀ ਨਾਗਰਿਕ ਅਤੇ 1 ਕੈਨੇਡੀਅਨ ਨਾਗਰਿਕ ਸਨ। -ਪੀਟੀਆਈ
Advertisement
Advertisement