ਫਿਲਮ ਨਿਰਮਾਤਾ ਨਾਲ 2.65 ਕਰੋੜ ਰੁਪਏ ਦੀ ਧੋਖਾਧੜੀ ਕਰਨ ਦੇ ਦੋਸ਼ ਹੇਠ ਸਕ੍ਰਿਪਟ ਰਾਈਟਰ ਗ੍ਰਿਫਤਾਰ
03:35 PM Aug 09, 2024 IST
ਮੁੰਬਈ, 9 ਅਗਸਤ
ਮੁੰਬਈ ਪੁਲੀਸ ਨੇ ਇਥੇ ਇਕ ਟੈਲੀਵਿਜ਼ਨ ਦੇ ਸਕ੍ਰਿਪਟ ਰਾਈਟਰ ਮਹੇਸ਼ ਪਾਂਡੇ ਨੂੰ ਇਕ ਕੰਪਨੀ ਨਾਲ ਹੋਏ ਸਮਝੌਤੇ ਦੀ ਉਲੰਘਣਾ ਕਰਨ ਅਤੇ ਫਿਲਮ ਨਿਰਮਾਤਾ ਨਾਲ 2.65 ਕਰੋੜ ਰੁਪਏ ਦੀ ਧੋਖਾਧੜੀ ਕਰਨ ਦੇ ਦੋਸ਼ ਹੇਠ ਗ੍ਰਿਫਤਾਰ ਕੀਤਾ ਹੈ। ਪੁਲੀਸ ਅਧਿਕਾਰੀ ਨੇ ਦੱਸਿਆ ਕਿ ਸ਼ਿਕਾਇਤ ਦੇ ਆਧਾਰ 'ਤੇ ਧੋਖਾਧੜੀ ਦਾ ਮਾਮਲਾ ਦਰਜ ਕੀਤਾ ਗਿਆ। ਜਾਣਕਾਰੀ ਅਨੁਸਾਰ ਪਾਂਡੇ ਦੀ ਫਰਮ ਕਥਿਤ ਤੌਰ 'ਤੇ ਸ਼ਿਕਾਇਤਕਰਤਾ ਨੂੰ 2.65 ਕਰੋੜ ਰੁਪਏ ਅਦਾ ਕਰਨ ਲਈ ਦੇਣਦਾਰ ਸੀ। ਸ਼ਿਕਾਇਤਕਰਤਾ ਸੇਠੀ ਨੇ ਦਾਅਵਾ ਕੀਤਾ ਕਿ ਪਾਂਡੇ ਵੱਖ-ਵੱਖ ਕਾਰਨਾਂ ਦਾ ਹਵਾਲਾ ਦੇ ਕੇ ਭੁਗਤਾਨ ਵਿੱਚ ਦੇਰੀ ਕਰ ਕੇ ਲਾਰੇ ਲਗਾ ਰਿਹਾ ਸੀ। ਪਾਂਡੇ ਨੂੰ ਅਦਾਲਤ ਵਿਚ ਪੇਸ਼ ਕੀਤਾ ਗਿਆ ਜਿਥੋਂ ਉਸ ਨੂੰ ਨਿਆਂਇਕ ਹਿਰਾਸਤ ਵਿਚ ਭੇਜ ਦਿੱਤਾ ਗਿਆ। -ਪੀਟੀਆਈ
Advertisement
Advertisement