ਸੌਰਵ ਘੋਸ਼ਾਲ ਨੇ ਪੇਸ਼ੇਵਰ ਸਕੁਐਸ਼ ਤੋਂ ਸੰਨਿਆਸ ਲਿਆ

ਨਵੀਂ ਦਿੱਲੀ: ਭਾਰਤ ਦੇ ਸਭ ਤੋਂ ਬਿਹਤਰੀਨ ਪੁਰਸ਼ ਸਕੁਐਸ਼ ਖਿਡਾਰੀਆਂ ਵਿੱਚ ਸ਼ੁਮਾਰ ਸੌਰਵ ਘੋਸ਼ਾਲ ਨੇ ਅੱਜ ਪੇਸ਼ੇਵਰ ਸਰਕਟ ਤੋਂ ਸੰਨਿਆਸ ਲੈਣ ਦਾ ਐਲਾਨ ਕੀਤਾ ਪਰ ਉਹ ਬਹੁ-ਖੇਡ ਮੁਕਾਬਲਿਆਂ ਵਿੱਚ ਭਾਰਤੀ ਦੀ ਅਗਵਾਈ ਕਰਦਾ ਰਹੇਗਾ। ਪੇਸ਼ੇਵਰ ਸਰਕਟ ਵਿੱਚ 22 ਸਾਲ ਖੇਡਣ ਵਾਲੇ ਘੋਸ਼ਾਲ ਨੇ ਇੰਚੋਇਨ ਅਤੇ ਹਾਂਗਜ਼ੂ ਏਸ਼ਿਆਈ ਖੇਡਾਂ ਦੇ ਟੀਮ ਮੁਕਾਬਲਿਆਂ ਵਿੱਚ ਦੋ ਸੋਨ ਤਗ਼ਮੇ ਜਿੱਤਣ ਤੋਂ ਇਲਾਵਾ ਰਾਸ਼ਟਰਮੰਡਲ ਖੇਡਾਂ ਵਿੱਚ ਤਿੰਨ ਤਗ਼ਮੇ ਜਿੱਤੇ ਹਨ। ਉਸ ਨੇ ਗਲਾਸਗੋ ਵਿੱਚ 2022 ਵਿਸ਼ਵ ਡਬਲਜ਼ ਚੈਂਪੀਅਨਸ਼ਿਪ ਵਿੱਚ ਮਿਕਸਡ ਡਬਲਜ਼ ਵਰਗ ਵਿੱਚ ਸੋਨ ਤਗ਼ਮਾ ਜਿੱਤਿਆ ਸੀ। -ਪੀਟੀਆਈ