ਸਾਬਕਾ ਵਿਧਾਇਕ ਰੌਂਤਾ ਦੇ ਘਰ ਤੀਜੀ ਵਾਰ ਆਈ ਸਰਪੰਚੀ

ਨਿਹਾਲ ਸਿੰਘ ਵਾਲਾ:

ਇਸ ਵਾਰ ਹੋਈਆਂ ਪੰਚਾਇਤ ਚੋਣਾਂ ਵਿੱਚ ਮਰਹੂਮ ਵਿਧਾਇਕ ਕਾਮਰੇਡ ਸੱਘੜ ਸਿੰਘ ਦੇ ਪੋਤੇ ਗੁਰਸੇਵਕ ਸਿੰਘ ਪੁੱਤਰ ਮਰਹੂਮ ਵਿਧਾਇਕ ਅਜੈਬ ਸਿੰਘ ਰੌਂਤਾ ਨੂੰ ਪਿੰਡ ਰੌਂਤਾ ਦੇ ਸਰਪੰਚ ਬਣਨ ਦਾ ਮਾਣ ਹਾਸਲ ਹੋਇਆ ਹੈ। ਪਹਿਲਾਂ ਗੁਰਸੇਵਕ ਸਿੰਘ ਦਾ ਭਰਾ ਮਰਹੂਮ ਕੁਲਦੀਪ ਸਿੰਘ ਅਤੇ ਸਰਬਜੀਤ ਕੌਰ ਪਤਨੀ ਗੁਰਸੇਵਕ ਸਿੰਘ ਸਰਪੰਚ ਰਹਿ ਚੁੱਕੇ ਹਨ। ਸਰਪੰਚ ਗੁਰਸੇਵਕ ਸਿੰਘ ਨੇ ਮਿਲਣੀ ਦੌਰਾਨ ਕਿਹਾ ਕਿ ਉਹ ਪੰਚਾਇਤ ਨਾਲ ਮਿਲ ਕੇ ਪਿੰਡ ਰੌਂਤਾ ਨੂੰ ਨਮੂਨੇ ਦਾ ਸੋਹਣਾ ਪਿੰਡ ਬਣਾਉਣਗੇ ਅਤੇ ਪਿੰਡ ਵਿੱਚ ਰਹਿੰਦੇ ਕੰਮਾਂ ਨੂੰ ਵੀ ਜਲਦ ਪੂਰਾ ਕੀਤਾ ਜਾਵੇਗਾ। ਸਰਪੰਚ ਗੁਰਸੇਵਕ ਸਿੰਘ ਦੀ ਮਾਤਾ ਅਮਰਜੀਤ ਕੌਰ ਨੇ ਸਮੂਹ ਪਿੰਡ ਵਾਸੀਆਂ ਦਾ ਧੰਨਵਾਦ ਕੀਤਾ। -ਪੱਤਰ ਪ੍ਰੇਰਕ