ਨੈਣੇਵਾਲ ਦੇ ਸਰਪੰਚ ਦਾ ਦਰਬਾਰਾ ਸਿੰਘ ਗੁਰੂ ਵੱਲੋਂ ਸਨਮਾਨ

ਭਦੌੜ:

ਪਿੰਡ ਨੈਣੇਵਾਲ ਦੇ ਸਰਪੰਚ ਤੇ ਸ਼੍ਰੋਮਣੀ ਅਕਾਲੀ ਦਲ ਦੇ ਆਗੂ ਗਗਨਦੀਪ ਸਿੰਘ ਗਗਨਾ ਦਾ ਅਕਾਲੀ ਦਲ ਦੇ ਸੀਨੀਅਰ ਆਗੂ ਦਰਬਾਰਾ ਸਿੰਘ ਗੁਰੂ ਨੇ ਸਨਮਾਨ ਕੀਤਾ। ਦਰਬਾਰਾ ਸਿੰਘ ਗੁਰੂ ਨੇ ਕਿਹਾ ਕਿ ਗਗਨਦੀਪ ਸਿੰਘ ਪਾਰਟੀ ਦਾ ਇੱਕ ਸੂਝਵਾਨ ਨੌਜਵਾਨ ਆਗੂ ਹੈ ਜਿਸ ਵਿਚ ਕੰਮ ਕਰਵਾਉਣ ਦੀ ਦ੍ਰਿੜਤਾ ਹੈ। ਸਰਪੰਚ ਗਗਨਾ ਨੇ ਕਿਹਾ ਕਿ ਪਿੰਡ ਵਿਚਲੇ ਵਿਕਾਸ ਕਾਰਜ ਬਿਨਾਂ ਭੇਦ-ਭਾਵ ਤੋਂ ਕਰਵਾਏ ਜਾਣਗੇ ਅਤੇ ਹਰ ਵਿਅਕਤੀ ਤੋਂ ਸਹਿਯੋਗ ਲਿਆ ਜਾਵੇਗਾ। ਉਨ੍ਹਾਂ ਕਿਹਾ ਕਿ ਪਿੰਡ ਦੇ ਵਸਨੀਕਾਂ ਨੇ ਉਸ ਨੂੰ ਜਿਹੜੀ ਜ਼ਿੰਮੇਵਾਰੀ ਸੌਂਪੀ ਹੈ ਉਹ ਪੂਰੀ ਤਨਦੇਹੀ ਨਾਲ ਨਿਭਾਉਣਗੇ। -ਪੱਤਰ ਪ੍ਰੇਰਕ