ਨੱਤ ਵਾਸੀਆਂ ਵੱਲੋਂ ਸਰਪੰਚ ਚਰਨਜੀਤ ਕੌਰ ਦਾ ਸਨਮਾਨ

ਤਲਵੰਡੀ ਸਾਬੋ:

ਹੁਣੇ ਹੋਈਆਂ ਪੰਚਾਇਤੀ ਚੋਣਾਂ ਦੌਰਾਨ ਨੇੜਲੇ ਪਿੰਡ ਨੱਤ ਤੋਂ ਚਰਨਜੀਤ ਕੌਰ ਪਤਨੀ ਝੰਡਾ ਸਿੰਘ ਪਿੰਡ ਦੀ ਸਰਪੰਚ ਚੁਣੀ ਗਈ। ਝੰਡਾ ਸਿੰਘ ਨੇ ਦੱਸਿਆ ਕਿ ਉਨ੍ਹਾਂ ਦੇ ਪਿੰਡ ਵਿੱਚ ਸਰਪੰਚੀ ਲਈ ਦੋ ਮਹਿਲਾ ਉਮੀਦਵਾਰਾਂ ਚਰਨਜੀਤ ਕੌਰ ਅਤੇ ਸੁਖਪਾਲ ਕੌਰ ਪਤਨੀ ਅਵਤਾਰ ਸਿੰਘ ਵਿਚਕਾਰ ਸਿੱਧਾ ਤੇ ਫਸਵਾਂ ਮੁਕਾਬਲਾ ਸੀ ਜਿਸ ਵਿੱਚ ਚਰਨਜੀਤ ਕੌਰ ਨੇ 164 ਵੋਟਾਂ ਨਾਲ ਚੋਣ ਜਿੱਤੀ। ਸਰਪੰਚ ਚਰਨਜੀਤ ਕੌਰ ਨੇ ਉਨ੍ਹਾਂ ਦੇ ਹੱਕ ਵਿੱਚ ਫ਼ਤਵਾ ਦੇਣ ’ਤੇ ਸਮੂਹ ਪਿੰਡ ਵਾਸੀਆਂ ਦਾ ਧੰਨਵਾਦ ਕੀਤਾ।