ਅੰਬੇਡਕਰ ਚੌਕ ਵਿੱਚ ਸੰਘਰਸ਼ ਕਮੇਟੀ ਦਾ ਧਰਨਾ ਜਾਰੀ

ਪੱਤਰ ਪ੍ਰੇਰਕ
ਜੀਂਦ, 26 ਜੁਲਾਈ
ਇਤਿਹਾਸਕ ਸਥਾਨ ਰਾਣੀ ਤਲਾਬ ਅੰਬੇਡਕਰ ਚੌਕ ’ਤੇ ਐਸ.ਸੀ. ਸਮਾਜ ਸੰਘਰਸ਼ ਕਮੇਟੀ ਦਾ ਧਰਨਾ ਲਗਾਤਾਰ ਜਾਰੀ ਹੈ। ਅੱਜ ਕਾਂਗਰਸ ਦੇ ਸੀਨੀਅਰ ਆਗੂ ਮਹਾਂਵੀਰ ਗੁਪਤਾ ਨੇ ਧਰਨਾ ਸਥਾਨ ’ਤੇ ਪਹੁੰਚਕੇ ਆਪਣਾ ਸਮਰਥਨ ਦਿੱਤਾ। ਗੁਪਤਾ ਨੇ ਸਮਾਜ ਦੀਆਂ ਮੰਗਾਂ ਨੂੰ ਜਾਇਜ਼ ਠਹਿਰਾਉਂਦੇ ਹੋਏ ਕਿਹਾ ਕਿ ਸਰਕਾਰ ਦੀ ਨੀਅਤ ਵਿੱਚ ਖੋਟ ਨਜ਼ਰ ਆ ਰਿਹਾ ਹੈ। ਜਦੋਂ ਬਜਟ ਆਇਆ ਹੋਇਆ ਹੈ ਤਾਂ ਚੌਕਾਂ ਦਾ ਨਿਰਮਾਣ ਕਿਉਂ ਨਹੀਂ ਕਰਵਾਇਆ ਜਾ ਰਿਹਾ। ਉਨ੍ਹਾਂ ਨੇ ਕਿਹਾ ਕਿ ਸਰਕਾਰ ਦੀ ਗਲਤ ਨੀਤੀਆਂ ਦੇ ਕਾਰਨ ਹੀ ਲੋਕਾਂ ਨੂੰ ਇੰਨੀ ਗਰਮੀ ਵਿੱਚ ਵੀ ਧਰਨਾ ਦੇਣਾ ਪੈ ਰਿਹਾ ਹੈ। ਇਸ ਮੌਕੇ ਉਨ੍ਹਾਂ ਨਾਲ ਅਸ਼ੋਕ ਗੁਲਾਟੀ, ਗੋਬਿੰਦ ਗੁਪਤਾ, ਕ੍ਰਿਸ਼ਨ ਲੋਧਰ, ਰੋਸ਼ਨ ਲਾਲ ਦੁੱਗਲ, ਧਰਮਪਾਲ ਸਿੰਘਮਾਰ, ਸੁਖੀ ਰਾਮ ਅਤੇ ਰਾਮਮਿਹਰ ਜਲਾਲਪੁਰ ਆਦਿ ਹਾਜ਼ਰ ਸਨ। ਧਰਨੇ ਦੀ ਪ੍ਰਧਾਨਗੀ ਕਮਲ ਚੌਹਾਨ ਵੱਲੋਂ ਕੀਤੀ ਗਈ।