ਰੂਸੀ ਬਲਾਂ ਨੇ ਹਿਰਾਸਤ ਕੇਂਦਰ ’ਤੇ ਧਾਵਾ ਬੋਲਿਆ
08:30 AM Jun 17, 2024 IST
ਮਾਸਕੋ: ਰੂਸੀ ਸੁਰੱਖਿਆ ਬਲਾਂ ਨੇ ਦੱਖਣੀ ਇਲਾਕੇ ’ਚ ਸਥਿਤ ਇੱਕ ਹਿਰਾਸਤ ਕੇਂਦਰ ’ਤੇ ਅੱਜ ਧਾਵਾ ਬੋਲਿਆ, ਜਿਸ ਵਿੱਚ ਦੋ ਕਰਮਚਾਰੀਆਂ ਨੂੰ ਬੰਦੀ ਬਣਾਉਣ ਵਾਲੇ ਕੈਦੀ ਮਾਰੇ ਗਏ। ਰੂਸ ਦੀ ਸਰਕਾਰੀ ਨਿਊਜ਼ ਚੈਨਲ ਆਰਟੀ ਨੇ ਇਹ ਜਾਣਕਾਰੀ ਦਿੱਤੀ ਹੈ। ਖ਼ਬਰ ਏਜੰਸੀ ਨੇ ਰੂਸ ਦੀ ਸੰਘੀ ਸਜ਼ਾ ਸੇਵਾ ਦੇ ਹਵਾਲੇ ਨਾਲ ਦੱਸਿਆ ਕਿ ਰੋਸਤੋਵ-ਆਨ-ਡਾਨ ਵਿੱਚ ਹਿਰਾਸਤ ਕੇਂਦਰ ’ਚ ਬੰਦੀਆਂ ਨੂੰ ਕੋਈ ਨੁਕਸਾਨ ਨਹੀਂ ਪੁੱਜਿਆ ਹੈ। ਇੱਕ ਹੋਰ ਸਥਾਨਕ ਖ਼ਬਰ ਸੰਸਥਾ ਨੇ ਕਿਹਾ ਕਿ ਕੁੱਝ ਕੈਦੀ ਮਾਰੇ ਗਏ ਹਨ। ਸੁਰੱਖਿਆ ਬਲਾਂ ਨਾਲ ਜੁੜੇ ਸੂਤਰਾਂ ਦੇ ਹਵਾਲੇ ਨਾਲ ਦੱਸਿਆ ਕਿ ਰੋਸਤੋਵ ਖੇਤਰ ਦੇ ਹਿਰਾਸਤ ਕੇਂਦਰ ਨੰਬਰ 1 ਦੇ ਕੇਂਦਰੀ ਵਿਹੜੇ ਵਿੱਚ ਬੰਦੀ ਬਣਾਉਣ ਵਾਲੇ ਛੇ ਜਣੇ ਸਨ ਅਤੇ ਉਨ੍ਹਾਂ ਕੋਲ ਚਾਕੂ ਅਤੇ ਹੋਰ ਹਥਿਆਰ ਸੀ। ਇਨ੍ਹਾਂ ਕੈਦੀਆਂ ’ਤੇ ਇਸਲਾਮਿਕ ਸਟੇਟ ਸਮੂਹ ਨਾਲ ਜੁੜੇ ਹੋਣ ਦੇ ਦੋਸ਼ ਵੀ ਹਨ। -ਏਪੀ
Advertisement
Advertisement
Related News
Advertisement