ਰੂਸ: ਅੰਗਾਰਾ-ਏ5 ਰਾਕੇਟ ਦੀ ਪਰਖ ਦੂਜੀ ਵਾਰ ਰੱਦ

ਮਾਸਕੋ, 10 ਅਪਰੈਲ
ਰੂਸ ਦੇ ਦੁਰੇਡੇ ਪੂਰਬੀ ਪੁਲਾੜ ਕੰਪਲੈਕਸ ਤੋਂ ਭਾਰੀ ਵਜ਼ਨ ਲਿਜਾਣ ’ਚ ਸਮਰੱਥ ਇੱਕ ਨਵੇਂ ਰਾਕੇਟ ਨੂੰ ਪਰਖਣ ਦੀ ਦੂਜੀ ਕੋਸ਼ਿਸ਼ ਅੱਜ ਰੱਦ ਕਰਨੀ ਪਈ। ਵੋਸਤੋਚਨੀ ਸਪੇਸਪੋਰਟ ਤੋਂ ਅੰਗਾਰਾ-ਏ5 ਰਾਕੇਟ ਦੀ ਪਰਖ ਆਪਣੇ ਤੈਅ ਸਮੇਂ 9.00 ਵਜੇ (ਜੀਐੱਮਟੀ) ਤੋਂ ਲਗਪਗ ਦੋ ਘੰਟੇ ਪਹਿਲਾਂ ਰੱਦ ਕਰ ਦਿੱਤੀ ਗਈ। ਸਰਕਾਰੀ ਖ਼ਬਰ ਏਜੰਸੀ ਆਰਆਈਏ-ਨੋਵੋਸਤੀ ਨੇ ਕਿਹਾ ਕਿ ਇਸ ਦਾ ਕਾਰਨ ਰਾਕੇਟ ਦੇ ਕੇਂਦਰੀ ਬਲਾਕ ਦੇ ਆਕੀਡਾਈਜ਼ਰ ਟੈਂਕ ਦੀ ਦਬਾਅ ਪ੍ਰਣਾਲੀ ਦਾ ਫ਼ੇਲ੍ਹ ਹੋਣਾ ਸੀ।
ਕੌਮੀ ਪੁਲਾੜ ਏਜੰਸੀ ਰੋਸਕੌਸਮੌਸ ਨੇ ਕਿਹਾ ਕਿ ਅਗਲੀ ਪ੍ਰੀਖਣ ਕੋਸ਼ਿਸ਼ ਘੱਟੋ-ਘੱਟ ਇੱਕ ਦਿਨ ਲਈ ਮੁਲਤਵੀ ਰਹੇਗੀ। ਰੋਸਕੌਸਮੌਸ ਮੁਖੀ ਯੂਰੀ ਬੋਰਿਸੋਵ ਨੇ ਆਖਿਆ ਕਿ ਇਸ ਤੋਂ ਪਹਿਲਾਂ ਮੰਗਲਵਾਰ ਨੂੰ ਪਹਿਲੀ ਕੋਸ਼ਿਸ਼ ਅਸਫਲ ਹੋ ਗਈ ਸੀ ਜਦੋਂ ਆਟੋਮੈਟਿਕ ਸੁਰੱਖਿਆ ਪ੍ਰਣਾਲੀ ਨੇ ਆਕਸੀਡਾਈਜ਼ਰ ਟੈਂਕ ਦਬਾਅ ਪ੍ਰਣਾਲੀ ’ਚ ਤਕਨੀਕੀ ਖਰਾਬੀ ਦਰਜ ਕੀਤੀ ਸੀ। ਇਹ ਅੰਗਾਰਾ-ਏ5 ਦੀ ਚੌਥੀ ਪਰਖ ਕੀਤੀ ਜਾਣੀ ਸੀ। -ਏਪੀ