ਰੋਟਰੀ ਕਲੱਬ ਨੇ 5100 ਬੂਟੇ ਲਾਏ

ਪੱਤਰ ਪ੍ਰੇਰਕ
ਸ਼ਾਹਬਾਦ ਮਾਰਕੰਡਾ, 30 ਜੁਲਾਈ
ਰੋਟਰੀ ਕਲੱਬ ਸ਼ਾਹਬਾਦ ਨੇ ਅੱਜ ਇਕ ਹੀ ਦਿਨ ਵਿਚ 5100 ਬੂਟੇ ਲਾ ਕੇ ਇਤਿਹਾਸ ਸਿਰਜਿਆ ਹੈ। ਕਲੱਬ ਦੇ ਪ੍ਰਧਾਨ ਆਸ਼ੂਤੋਸ਼ ਗਰਗ ਨੇ ਦੱਸਿਆ ਕਿ ਕਲੱਬ ਵਲੋਂ ਬਰਾੜਾ ਰੋਡ ਦੇ ਨੇੜੇ ਸਵਰਗ ਆਸ਼ਰਮ ਤੇ ਪਿੰਡ ਰਾਮ ਨਗਰ ਵਿਚ ਵੱਖ-ਵੱਖ ਥਾਵਾਂ ਬੂਟੇ ਲਾਏ ਗਏ ਹਨ। ਇਸ ਮੌਕੇ ਜ਼ਿਲ੍ਹਾ ਆਗੂ ਪਾਲ ਅਰੂਣ ਮੌਂਗੀਆ ਨੇ ਬਤੌਰ ਮੁੱਖ ਮਹਿਮਾਨ ਸ਼ਿਰਕਤ ਕੀਤੀ। ਕਲੱਬ ਪ੍ਰਧਾਨ ਆਸ਼ੂਤੋਸ਼ ਗਰਗ ਨੇ ਦੱਸਿਆ ਕਿ ਕਲੱਬ ਵਲੋਂ ਪਿੰਡ ਰਾਮ ਨਗਰ ਵਿਚ 3000 ਅਤੇ 2100 ਬੂਟੇ ਘੱਗਰ ਨਦੀ ਦੇ ਬੰਨ੍ਹ ਤੇ ਬਰਾੜਾ ਰੋਡ ਨੇੜੇ ਸਵਰਗ ਆਸ਼ਰਮ ਵਿਚ ਲਾਏ ਗਏ। ਇਸ ਮੌਕੇ ਰੋਟੇਰੀਅਨ ਆਰਐਸ ਘੁੰਮਣ, ਆਰ ਕੇ ਗਰਗ, ਰਾਮੇਸ਼ਵਰ ਦਿਆਲ ਗੁਪਤਾ, ਵਿਜੈ ਗਰਗ, ਰਾਜ ਕਮਲ, ਡਾ ਗੁਰਦੀਪ ਸਿੰਘ ਹੇਰ, ਪ੍ਰਿਤਪਾਲ ਸਿੰਘ ਢਿੱਲੋੋਂ, ਸਵਿਤਾ ਗੁਪਤਾ ਤੇ ਵੀਰੇਂਦਰ ਠੁਕਰਾਲ ਆਦਿ ਹਾਜ਼ਰ ਸਨ।