ਫਗਵਾੜਾ ਵਿੱਚ ਲੁਟੇਰਿਆਂ ਨੇ ਮਨੀਚੇਂਜਰ ਪਾਸੋਂ ਨਕਦੀ ਖੋਹੀ

ਪੱਤਰ ਪ੍ਰੇਰਕ
ਫਗਵਾੜਾ, 13 ਮਾਰਚ
ਹਦੀਆਬਾਦ ਇਲਾਕੇ ’ਚ ਲੁਟੇਰਿਆਂ ਨੇ ਇੱਕ ਮਨੀਚੇਂਜਰ ਨੂੰ ਨਿਸ਼ਾਨਾ ਬਣਾ ਕੇ ਪਿਸਤੌਲ ਦਿਖਾ ਕੇ ਦੋ ਲੱਖ ਰੁਪਏ ਤੋਂ ਵੱਧ ਦੀ ਰਾਸ਼ੀ ਲੁੱਟ ਲਈ। ਪੀੜਤ ਸੰਜੀਵ ਕੁਮਾਰ ਨੇ ਦੱਸਿਆ ਕਿ ਉਹ ਆਪਣੀ ਦੁਕਾਨ ਐੱਮ.ਐੱਡ.ਆਰ ਇੰਟਰਪ੍ਰਾਇਜਜ਼ ਦੇ ਅੰਦਰ ਬੈਠਾ ਸੀ ਤਾਂ ਦੋ ਲੁਟੇਰੇ ਉਸਦੀ ਦੁਕਾਨ ’ਤੇ ਆਏ ਜਿਸ ’ਚੋਂ ਇੱਕ ਉਸਦਾ ਕਾਊਂਟਰ ਟੱਪ ਕੇ ਆ ਗਿਆ ਤੇ ਦੂਸਰੇ ਨੇ ਬਾਹਰੋਂ ਪਿਸਤੌਲ ਤਾਣ ਲਈ ਤੇ ਉਸਦੇ ਦਰਾਜ ’ਚ ਪਈ ਦੋ ਲੱਖ ਰੁਪਏ ਤੋਂ ਵੱਧ ਦੀ ਰਾਸ਼ੀ ਲੈ ਕੇ ਫ਼ਰਾਰ ਹੋ ਗਏ ਪਰ ਉਸਨੇ ਲੁਟੇਰਿਆਂ ਦਾ ਪਿੱਛਾ ਵੀ ਕੀਤਾ। ਇਸ ਉਪਰੰਤ ਪੁਲੀਸ ਨੂੰ ਸੂਚਨਾ ਦਿੱਤੀ ਗਈ। ਐੱਸਐੱਚਓ ਸਤਨਾਮਪੁਰਾ ਗੌਰਵ ਧੀਰ ਨੇ ਦੱਸਿਆ ਕਿ ਸੀਸੀਟੀਵੀ ਕੈਮਰਿਆਂ ਦੀ ਫੁਟੇਜ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਉਨ੍ਹਾਂ ਜਲਦੀ ਹੀ ਲੁਟੇਰੇ ਕਾਬੂ ਕਰਨ ਦਾ ਦਾਅਵਾ ਕੀਤਾ।