ਲੁਟੇਰਾ ਗਰੋਹ ਦਾ ਮੈਂਬਰ ਕਾਬੂ

ਪੱਤਰ ਪ੍ਰੇਰਕ
ਹੁਸ਼ਿਆਰਪੁਰ, 2 ਅਕਤੂਬਰ
ਮਾਡਲ ਟਾਊਨ ਪੁਲੀਸ ਨੇ ਲੁੱਟਾਂ-ਖੋਹਾਂ ਕਰਨ ਦੇ ਦੋਸ਼ ਹੇਠ ਇੱਕ ਗਰੋਹ ਦੇ ਇੱਕ ਮੈਂਬਰ ਨੂੰ ਗ੍ਰਿਫ਼ਤਾਰ ਕੀਤਾ ਹੈ ਜਿਸ ਦੀ ਪਛਾਣ ਪ੍ਰਿੰਸ ਕੁਮਾਰ ਵਾਸੀ ਸੁਖੀਆਬਾਦ ਵਜੋਂ ਹੋਈ ਹੈ। ਪੁਲੀਸ ਨੇ ਬੱਸ ਸਟੈਂਡ ਦੇ ਨੇੜੇ ਨਾਕੇ ਦੌਰਾਨ ਇਸ ਵਿਅਕਤੀ ਨੂੰ ਐਕਟਿਵਾ (ਪੀ.ਬੀ-07-ਏ.ਸੀ-6456) ਸਮੇਤ ਗ੍ਰਿਫ਼ਤਾਰ ਕੀਤਾ। ਪੁੱਛਗਿੱਛ ਦੌਰਾਨ ਪ੍ਰਿੰਸ ਨੇ ਮੰਨਿਆ ਕਿ ਉਸ ਨੇ 29 ਸਤੰਬਰ ਨੂੰ ਪ੍ਰਭਾਤ ਚੌਕ ਨੇੜੇ ਐਕਟਿਵਾ ਸਵਾਰ ਇੱਕ ਔਰਤ ਦੇ ਕੰਨ ’ਚੋਂ ਬਾਲੀ ਝਪਟੀ ਸੀ ਜਿਸ ਨੂੰ ਉਸ ਨੇ ਸੰਜੀਵ ਵਾਸੀ ਬਹਾਦੁਰਪੁਰ ਨੂੰ 6 ਹਜ਼ਾਰ ਰੁਪਏ ਵਿੱਚ ਵੇਚ ਦਿੱਤਾ ਸੀ। ਪੁਲੀਸ ਨੇ ਮੁਲਜ਼ਮ ਖਿਲਾਫ਼ 379 ਬੀ ਤਹਿਤ ਕੇਸ ਦਰਜ ਕਰ ਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।