ਅਸ਼ੋਕ ਤੰਵਰ ਵੱਲੋਂ ਕਾਲਾਂਵਾਲੀ ਤੇ ਡੱਬਵਾਲੀ ’ਚ ਰੋਡ ਸ਼ੋਅ

ਪੱਤਰ ਪ੍ਰੇਰਕ
ਕਾਲਾਂਵਾਲੀ, 23 ਮਈ
ਅੱਜ ਚੋਣ ਪ੍ਰਚਾਰ ਦੇ ਆਖ਼ਰੀ ਦਿਨ ਭਾਜਪਾ ਵੱਲੋਂ ਸਾਬਕਾ ਵਿਧਾਇਕ ਬਲਕੌਰ ਸਿੰਘ ਦੇ ਸਹਿਯੋਗ ਨਾਲ ਮੰਡੀ ਕਾਲਾਂਵਾਲੀ ਅਤੇ ਆਸਪਾਸ ਦੇ ਪਿੰਡਾਂ ਵਿੱਚ ਰੋਡ ਸ਼ੋਅ ਕੀਤਾ ਗਿਆ। ਇਸ ਮੌਕੇ ਭਾਜਪਾ ਉਮੀਦਗਾਰ ਡਾ. ਅਸ਼ੋਕ ਤੰਵਰ ਨੇ ਲੋਕਾਂ ਨੂੰ ਸੱਦਾ ਦਿੱਤਾ ਕਿ ਉਹ ਆਪਣੇ ਭਵਿੱਖ ਨੂੰ ਸੁਧਾਰਨ ਲਈ ਭਾਜਪਾ ਦਾ ਸਮਰਥਨ ਕਰਨ। ਸਾਬਕਾ ਵਿਧਾਇਕ ਬਲਕੌਰ ਸਿੰਘ ਨੇ ਕਿਹਾ ਕਿ ਭਾਜਪਾ ਸਰਕਾਰ ਨੇ ਇਲਾਕੇ ਵਿੱਚ ਬਹੁਤ ਸਾਰੇ ਵਿਕਾਸ ਕਾਰਜ ਕਰਵਾਏ ਹਨ। ਉਹਨਾਂ ਕਿਹਾ ਕਿ ਭਾਜਪਾ ਦੇ ਕਾਰਜਕਾਲ ਵਿੱਚ ਬਹੁਤ ਸਾਰੇ ਨੌਜਵਾਨਾਂ ਨੂੰ ਬਿਨਾਂ ਕਿਸੇ ਪਰਚੀ ਅਤੇ ਬਿਨਾਂ ਕਿਸੇ ਖਰਚੇ ਤੋਂ ਨੌਕਰੀ ਦਿੱਤੀ ਜਾਂਦੀ ਹੈ।

ਡੱਬੀਵਾਲੀ (ਪੱਤਰ ਪ੍ਰੇਰਕ): ਸਿਰਸਾ ਤੋਂ ਭਾਜਪਾ ਉਮੀਦਵਾਰ ਡਾ. ਅਸ਼ੋਕ ਤੰਵਰ ਨੇ ਅੱਜ ਡੱਬਵਾਲੀ ਸ਼ਹਿਰ ‘ਚ ਵਿਸ਼ਾਲ ਰੋਡ ਸ਼ੋਅ ਕੱਢਿਆ। ਤੰਵਰ ਦਾ ਰੋਡ ਸ਼ੋਅ ਸਿਰਸਾ ਰੋਡ ‘ਤੇ ਸਥਿਤ ਗੁਰੂ ਗੋਬਿੰਦ ਸਿੰਘ ਖੇਡ ਸਟੇਡੀਅਮ ਤੋਂ ਸ਼ੁਰੂ ਹੋ ਕੇ ਗੋਲ ਚੌਕ, ਬੱਸ ਸਟੈਂਡ, ਕਾਲੋਨੀ ਰੋਡ, ਮੇਨ ਬਾਜ਼ਾਰ, ਗੋਲ ਬਾਜ਼ਾਰ ਅਤੇ ਬੱਸ ਸਟੈਂਡ ਰੋਡ ਆਦਿ ਤੋਂ ਲੰਘਦੇ ਹੋਏ ਵਾਪਸ ਭਾਜਪਾ ਦਫ਼ਤਰ ‘ਚ ਪੁੱਜਿਆ। ਇਸ ਮੌਕੇ ਭਾਜਪਾ ਦੇ ਸਾਬਕਾ ਜ਼ਿਲ੍ਹਾ ਪ੍ਰਧਾਨ ਯਤਿੰਦਰ ਵਕੀਲ, ਸਾਬਕਾ ਚੇਅਰਮੈਨ ਅਦਿੱਤਿਆ ਦੇਵੀਲਾਲ, ਡੱਬਵਾਲੀ ਹਲਕੇ ਦੇ ਸੰਯੋਜਕ ਬਲਦੇਵ ਸਿੰਘ ਮਾਂਗੇਆਣਾ, ਹਰਿਆਣਾ ਬੀਜ ਵਿਕਾਸ ਨਿਗਮ ਦੇ ਚੇਅਰਮੈਨ ਦੇਵ ਕੁਮਾਰ ਸ਼ਰਮਾ, ਸਾਬਕਾ ਜ਼ਿਲ੍ਹਾ ਜਨਰਲ ਸਕੱਤਰ ਵਿਜੈ ਵਧਵਾ, ਜ਼ਿਲ੍ਹਾ ਜਨਰਲ ਸਕੱਤਰ ਮੰਤਰੀ ਸਤੀਸ਼ ਜੱਗਾ, ਜ਼ਿਲ੍ਹਾ ਉੱਪ ਮੀਡਿਆ ਇੰਚਾਰਜ਼ ਵਿਕਾਸ ਕਾਲੂਆਣਾ, ਚਾਣਕਿਆ ਸ਼ਰਮਾ, ਅਭਿਮੰਨਿਉ ਕੋਚਰ, ਗੌਰਵ ਮੋਂਗਾ ਤੇ ਹੋਰ ਹਾਜ਼ਰ ਸਨ।