ਮ੍ਰਿਤਕਾਂ ਵਿੱਚ ਲਹਿਲ ਖੁਰਦ ਦਾ ਵਾਸੀ ਵੀ ਸ਼ਾਮਲ

ਪੱਤਰ ਪ੍ਰੇਰਕ
ਲਹਿਰਾਗਾਗਾ, 24 ਮਾਰਚ
ਜ਼ਹਿਰੀਲੀ ਸ਼ਰਾਬ ਨਾਲ ਮਰਨ ਵਾਲਿਆਂ ਵਿੱਚ ਇੱਥੋਂ ਪਿੰਡ ਲੇਹਲ ਖੁਰਦ ਦਾ ਵਾਸੀ ਲਛਮਣ ਸਿੰਘ (35) ਪੁੱਤਰ ਲੀਲਾ ਸਿੰਘ ਵੀ ਸ਼ਾਮਲ ਹੈ। ਸਰਪੰਚ ਸਿਦਕ ਕੌਰ ਦੇ ਪਤੀ ਰਾਜ ਸਿੰਘ ਨੇ ਦੱਸਿਆ ਮ੍ਰਿਤਕ ਲਛਮਣ ਸਿੰਘ ਆਪਣੀ ਭੈਣ ਕੋਲ ਸੁਨਾਮ ਪਿੰਡ ਟਿੱਬੀ ਰਵਿਦਾਸਪੁਰਾ ਵਿੱਚ ਰਹਿੰਦਾ ਸੀ। ਦੋ ਦਿਨ ਪਹਿਲਾਂ ਉਸ ਨੇ ਜ਼ਹਿਰੀਲੀ ਸ਼ਰਾਬ ਪੀ ਲਈ ਸੀ। ਉਸ ਦਾ ਅੱਜ ਲੇਹਲ ਖੁਰਦ ਵਿੱਚ ਸਸਕਾਰ ਕਰ ਦਿੱਤਾ ਗਿਆ।
ਉਸ ਨੇ ਦੱਸਿਆ ਕਿ ਸ਼ਰਾਬ ਪੀਣ ਕਾਰਨ ਉਸ ਦੀ ਪਤਨੀ ਉਸ ਨੂੰ ਛੱਡ ਕੇ ਪੇਕੇ ਚਲੀ ਗਈ ਸੀ। ਉਸ ਕੋਲ ਇੱਕ ਕੁੜੀ ਅਤੇ ਮੁੰਡਾ ਹੈ। ਦੋਵੇਂ ਬੱਚੇ ਉਸ ਦੀ ਪਤਨੀ ਕੋਲ ਹੀ ਰਹਿੰਦੇ ਸਨ। ਪਿੰਡ ਵਾਸੀਆਂ ਨੇ ਮ੍ਰਿਤਕ ਦੇ ਪਰਿਵਾਰ ਲਈ ਮੁਆਵਜ਼ੇ ਦੀ ਮੰਗ ਕੀਤੀ।