ਨਿਊ ਕਲੋਨੀ ਪਟੇਲ ਨਗਰ ’ਚ ਧਾਰਮਿਕ ਸਮਾਗਮ

ਪੱਤਰ ਪ੍ਰੇਰਕ
ਸ਼ਾਹਬਾਦ ਮਾਰਕੰਡਾ, 24 ਨਵੰਬਰ
ਗੀਤਾ ਮਨੀਸ਼ੀ ਸੁਆਮੀ ਗਿਆਨ ਨੰਦ ਮਹਾਰਾਜ ਨੇ ਨਿਊ ਕਲੋਨੀ ਪਟੇਲ ਨਗਰ ਕੁਰੂਕਸ਼ੇਤਰ ਵਿੱਚ ਡਾ. ਰਾਜੀਵ ਗਾਬਾ ਦੇ ਗ੍ਰਹਿ ਵਿੱਚ ਸ੍ਰੀ ਕ੍ਰਿਸ਼ਨ ਕ੍ਰਿਪਾ ਪਰਿਵਾਰ ਵਲੋਂ ਕਰਵਾਏ ਸੰਕੀਰਤਨ ਤੇ ਪ੍ਰਭਾਤ ਫੇਰੀ ਦੌਰਾਨ ਸੰਬੋਧਨ ਕੀਤਾ। ਸੁਆਮੀ ਨੇ ਅਸ਼ੀਰਵਾਦ ਵਜੋਂ ਆਯੋਜਕ ਪਰਿਵਾਰ ਨੂੰ ਯਾਦਗਾਰੀ ਚਿੰਨ ਦੇ ਕੇ ਸਨਮਾਨਿਤ ਕੀਤਾ। ਗੀਤਾ ਮਨੀਸ਼ੀ ਨੇ ਓਮ ਨਮੋ ਭਗਵਤੇ ਵਾਸੁਦੇਵਾਯ ਤੇ ਸਾਥ ਤੇਰਾ ਰਹੇ ਫਿਰ ਕੋਈ ਗਮ ਨਹੀਂ ਭਜਨ ਗਾ ਕੇ ਮਾਹੌਲ ਨੂੰ ਭਗਤਮਈ ਬਣਾ ਦਿੱਤਾ। ਸੰਗਤਾਂ ਨੇ ਸੁਆਮੀ ਵੱਲੋਂ ਗਾਏ ਭਜਨਾਂ ਦਾ ਖੂਬ ਅਨੰਦ ਮਾਣਿਆ। ਗੀਤਾ ਮਨੀਸ਼ੀ ਨੇ ਆਪਣੇ ਪ੍ਰਵਚਨਾਂ ਵਿੱਚ ਨਾਮ ਜਪਣ ’ਤੇ ਜ਼ੋਰ ਦਿੱਤਾ। ਇਸ ਮੌਕੇ ਪ੍ਰਭਾਤ ਫੇਰੀ ਵਿੱਚ ਪਰਿਵਾਰ ਮੈਂਬਰ ਫਕੀਰ ਚੰਦ ਗਾਬਾ, ਡਾ. ਰਾਜੀਵ ਗਾਬਾ, ਸੰਜੀਵ ਗਾਬਾ, ਜੋਤੀ, ਕੋਮਲ, ਕ੍ਰਿਸ਼ਨਾ ,ਡਾ. ਪੁਸ਼ਪਾ, ਕੰਚਨ, ਮੰਜੂ, ਰਾਕੇਸ਼ ਸੂਰੀ ,ਕਵਿਤਾ ਹਾਜ਼ਰ ਸਨ।