ਪੰਚਕੂਲਾ ਵਿੱਚ ਕਰੋਨਾ ਮਰੀਜ਼ਾਂ ਦਾ ਰਿਕਾਰਡ ਟੁੱਟਿਆ; ਇਕ ਦਿਨ ਵਿੱਚ 110 ਨਵੇਂ ਕੇਸ

ਪੀਪੀ ਵਰਮਾ

ਪੰਚਕੂਲਾ, 19 ਅਗਸਤ

ਪੰਚਕੂਲਾ ਵਿੱਚ ਕਰੋਨਾ ਮਰੀਜ਼ਾਂ ਦੇ ਪਿਛਲੇ ਸਾਰੇ ਰਿਕਾਰਡ ਟੁੱਟ ਗਏ। ਇੱਥੇ ਇੱਕ ਦਿਨ ਵਿੱਚ 110 ਨਵੇਂ ਕੇਸ ਸਾਹਮਣੇ ਆਏ। ਪੰਚਕੂਲਾ ਦੀ ਸਿਵਲ ਸਰਜਨ ਡਾ. ਜਸਜੀਤ ਕੌਰ ਨੇ ਕਿਹਾ ਕਿ ਇਹ ਕਰੋਨਾ ਪਾਜ਼ੇਟਿਵ ਕੇਸ ਪੰਚਕੂਲਾ ਦੇ ਵੱਖ ਵੱਖ ਸੈਕਟਰਾਂ, ਕਾਲਕਾ, ਪਿੰਜੌਰ ਤੋਂ ਇਲਾਵਾ ਕਈ ਸਰਕਾਰੀ ਦਫ਼ਤਰਾਂ ਵਿੱਚੋਂ ਸਾਹਮਣੇ ਆਏ ਹਨ।

ਸਿਰਸਾ (ਪ੍ਰਭੂ ਦਿਆਲ): ਜ਼ਿਲ੍ਹਾ ਸਿਰਸਾ ਵਿੱਚ 18 ਸੱਜਰੇ ਕਰੋਨਾ ਪਾਜ਼ੇਟਿਵ ਕੇਸ ਆਏ ਹਨ, ਜਿਸ ਨਾਲ ਸਿਰਸਾ ’ਚ ਕਰੋਨਾ ਪਾਜ਼ੇਟਿਵ ਦਾ ਅੰਕੜਾ 823 ਹੋ ਗਿਆ ਹੈ। ਸਿਵਲ ਸਰਜਨ ਡਾ. ਸੁਰਿੰਦਰ ਨੈਨ ਨੇ ਦੱਸਿਆ ਹੈ ਕਿ ਚਾਰ ਸੱਜਰੇ ਕੇਸ ਐਲਨਾਬਾਦ, ਛੇ ਡੱਬਵਾਲੀ ’ਚੋਂ ਆਏ ਹਨ। ਇਕ ਡੀਸੀ ਕਲੋਨੀ, ਇਕ ਭਗਤ ਸਿੰਘ ਕਾਲੋਨੀ, ਇਕ ਬਰਨਾਲਾ ਰੋਡ, ਇਕ ਹੁੱਡਾ ਸੈਕਟਰ, ਦੋ ਪਿੰਡ ਪਾਨਾ, ਇਕ ਫ੍ਰੈਂਡਸ ਕਲੋਨੀ ਤੇ ਇਕ ਕਾਲਾਂਵਾਲੀ ’ਚੋਂ ਮਿਲਿਆ ਹੈ।