ਰੋਜ਼ਾਨਾ ਬਦਾਮ ਦੀ ਵਰਤੋਂ ਕਰਨ ਦੀ ਸਿਫ਼ਾਰਸ਼

ਲੁਧਿਆਣਾ: ਰਾਸ਼ਟਰੀ ਪੋਸ਼ਣ ਮਹੀਨੇ ਦੌਰਾਨ ਖੁਰਾਕ ਮਾਹਿਰਾਂ ਵੱਲੋਂ ਪੌਸ਼ਟਿਕ ਤੱਤਾਂ ਨਾਲ ਭਰਪੂਰ ਭੋਜਨ ਦੀ ਵਰਤੋਂ ’ਤੇ ਜ਼ੋਰ ਦਿੱਤਾ ਗਿਆ ਹੈ। ਮਾਹਿਰਾਂ ਅਨੁਸਾਰ ਪੌਸ਼ਟਿਕ ਭੋਜਨ ਵਿੱਚ ਬਦਾਮ, ਸਾਬਤ ਅਨਾਜ, ਸਬਜ਼ੀਆਂ, ਫਲ ਅਤੇ ਹੋਰ ਭੋਜਨਾਂ ਨਾਲ ਸੰਤੁਲਿਤ ਖੁਰਾਕ ਦਾ ਅਭਿਆਸ ਕਰਨਾ ਮਹੱਤਵਪੂਰਨ ਹੈ। ਇੰਡੀਅਨ ਕੌਂਸਲ ਆਫ਼ ਮੈਡੀਕਲ ਰਿਸਰਚ ਅਤੇ ਨੈਸ਼ਨਲ ਇੰਸਟੀਚਿਊਟ ਆਫ਼ ਨਿਊਟ੍ਰੀਸ਼ਨ ਨੇ ਹਾਲ ਹੀ ਵਿੱਚ ਭਾਰਤੀਆਂ ਲਈ ਖੁਰਾਕ ਸਬੰਧੀ ਦਿਸ਼ਾ-ਨਿਰਦੇਸ਼ ਜਾਰੀ ਕੀਤੇ ਹਨ, ਜਿਸ ਵਿੱਚ ਬਦਾਮ ਨੂੰ ਚੰਗੀ ਸਿਹਤ ਲਈ ਰੋਜ਼ਾਨਾ ਇੱਕ ਫ਼ਲ ਵਜੋਂ ਮਾਨਤਾ ਦਿੱਤੀ ਗਈ ਹੈ। ਰੋਜ਼ਾਨਾ ਬਦਾਮ ਖਾਣ ਨਾਲ ਭਾਰ ਕੰਟਰੋਲ ਕਰਨ, ਦਿਲ ਦੀ ਸਿਹਤ ਸੁਧਾਰਨ ਅਤੇ ਬਲੱਡ ਸ਼ੂਗਰ ਦੇ ਪੱਧਰ ਨੂੰ ਕੰਟਰੋਲ ਕਰਨ ’ਚ ਮਦਦ ਮਿਲਦੀ ਹੈ। ਰਾਸ਼ਟਰੀ ਪੋਸ਼ਣ ਮਹੀਨੇ ’ਤੇ ਟਿੱਪਣੀ ਕਰਦਿਆਂ ਰੀਤਿਕਾ ਸਮਦਾਰ, ਖੇਤਰੀ ਮੁਖੀ, ਡਾਈਟੇਟਿਕਸ, ਮੈਕਸ ਹੈਲਥਕੇਅਰ, ਦਿੱਲੀ ਨੇ ਕਿਹਾ ਕਿ ਆਪਣੀ ਖੁਰਾਕ ਵਿੱਚ ਬਦਾਮ ਵਰਗੇ ਭੋਜਨ ਸ਼ਾਮਲ ਕੀਤੇ ਜਾਣ ਕਿਉਂਕਿ ਇਹ ਕਈ ਸਿਹਤ ਲਾਭ ਦਿੰਦੇ ਹਨ। -ਨਿੱਜੀ ਪੱਤਰ ਪ੍ਰੇਰਕ