ਰਵੀ ਸ਼ੰਕਰ ਭਾਰਤੀ ਤੀਰਅੰਦਾਜ਼ੀ ਦਾ ਹਾਈ ਪਰਫਾਰਮੈਂਸ ਕੋਚ ਨਿਯੁਕਤ

ਕੋਲਕਾਤਾ: ਭਾਰਤ ਅਤੇ ਸੈਨਾ ਦੇ ਸਾਬਕਾ ਤੀਰਅੰਦਾਜ਼ੀ ਕੋਚ ਰਵੀਸ਼ੰਕਰ ਨੂੰ ਪੈਰਿਸ ਓਲੰਪਿਕ ਦੀ ਤਿਆਰੀ ਲਈ ਹਾਈ ਪਰਫਾਰਮੈਂਸ ਕੋਚ (ਐੱਚਪੀਸੀ) ਨਿਯੁਕਤ ਕੀਤਾ ਗਿਆ ਹੈ। ਭਾਰਤੀ ਹਾਈ ਪਰਫਾਰਮੈਂਸ ਨਿਰਦੇਸ਼ਕ ਸੰਜੀਵ ਸਿੰਘ ਨੇ ਕਿਹਾ ਕਿ ਸਾਈ ਕੋਚਿੰਗ ਡਿਵੀਜ਼ਨ ਨੇ ਵੱਖ ਵੱਖ ਖੇਡਾਂ ਵਿੱਚ ਪੰਜ ਐੱਚਪੀਸੀ ਦਾ ਐਲਾਨ ਕੀਤਾ ਹੈ, ਜਿਸ ਵਿੱਚ ਦਰੋਣਾਚਾਰੀਆ ਪੁਰਸਕਾਰ ਜੇਤੂ ਤੇ ਅਥਲੈਟਿਕ ਕੋਚ ਰੌਬਰਟ ਬੌਬੀ ਜਾਰਜ ਵੀ ਸ਼ਾਮਲ ਹਨ। ਸਾਈ ਦੇ ਇੱਕ ਅਧਿਕਾਰੀ ਨੇ ਕਿਹਾ ਕਿ ਉਨ੍ਹਾਂ ਦਾ ਸਾਲਾਨਾ ਪ੍ਰਦਰਸ਼ਨ ਦੇ ਆਧਾਰ ’ਤੇ ਵਿਸ਼ਲੇਸ਼ਣ ਕੀਤਾ ਜਾਵੇਗਾ। ਮਨੋਜ ਕੁਮਾਰ (ਨਿਸ਼ਾਨੇਬਾਜ਼ੀ), ਤੁਕਾਰਾਮ ਮੇਹਤਰਾ (ਤਲਵਾਰਬਾਜ਼ੀ) ਅਤੇ ਕੈਪਟਨ ਭਾਸਕਰਨ ਈ (ਕਬੱਡੀ) ਨੂੰ ਵੀ ਐੱਚਪੀਸੀ ਨਿਯੁਕਤ ਕੀਤਾ ਗਿਆ ਹੈ। -ਪੀਟੀਆਈ