ਭਾਰਤੀ ਫ਼ਿਲਮ ਮੇਲੇ ਵਿੱਚ ਆਪਣੇ ਤਜਰਬੇ ਸਾਂਝੇ ਕਰੇਗੀ ਰਾਣੀ ਮੁਖਰਜੀ

ਮੁੰਬਈ: ਬੌਲੀਵੁੱਡ ਅਦਾਕਾਰਾ ਰਾਣੀ ਮੁਖਰਜੀ ਆਗਾਮੀ ਇੰਡੀਅਨ ਫਿਲਮ ਫੈਸਟੀਵਲ ਆਫ ਮੈਲਬਰਨ (ਆਈਐੱਫਐੱਫਐੱਮ) ਵਿੱਚ ਆਪਣੇ ਤਜਰਬੇ ਸਾਂਝੇ ਕਰੇਗੀ। ਇਹ ਵਿਸ਼ੇਸ਼ ਸਮਾਗਮ 14ਵੇਂ ਫਿਲਮ ਮੇਲੇ ਤੋਂ ਇਕ ਦਿਨ ਪਹਿਲਾਂ 10 ਅਗਸਤ ਨੂੰ ਹੋਵੇਗਾ। ਇਸ ਮੌਕੇ ਰਾਣੀ ਮੁਖਰਜੀ ਆਪਣੀਆਂ ਸਭ ਤੋਂ ਵਧੀਆ ਭੂਮਿਕਾਵਾਂ ਅਤੇ ਫਿਲਮਾਂ ਬਾਰੇ ਗੱਲ ਕਰੇਗੀ। ਇਹ ਫਿਲਮ ਫੈਸਟੀਵਲ 11 ਤੋਂ 20 ਅਗਸਤ ਤੱਕ ਚੱਲੇਗਾ। ਰਾਣੀ ਨੇ ਕਿਹਾ,‘ਮੈਲਬਰਨ ਦੇ 14ਵੇਂ ਭਾਰਤੀ ਫਿਲਮ ਫੈਸਟੀਵਲ ਵਿੱਚ ਸੱਦੇ ਜਾਣ ’ਤੇ ਮੈਂ ਬਹੁਤ ਮਾਣ ਮਹਿਸੂਸ ਕਰ ਰਹੀ ਹਾਂ। ਮੈਂ ਬਹੁਤ ਖੁਸ਼ਕਿਸਮਤ ਹਾਂ ਕਿ ਮੈਨੂੰ ਆਸਟਰੇਲੀਆ ਵਿੱਚ ਲੋਕਾਂ ਤੋਂ ਬਹੁਤ ਪਿਆਰ ਮਿਲਿਆ ਹੈ ਅਤੇ ਮੈਂ ਭਾਰਤੀ ਸਿਨੇਮਾ ਵਿੱਚ ਆਪਣਾ ਸਫ਼ਰ ਉਨ੍ਹਾਂ ਨਾਲ ਸਾਂਝਾ ਕਰਨ ਲਈ ਉਤਾਵਲੀ ਹਾਂ।’ ਇਸ 45 ਸਾਲਾ ਅਦਾਕਾਰਾ ਨੇ ਆਪਣੇ ਫਿਲਮੀ ਸਫਰ ਦੀ ਸ਼ੁਰੂਆਤ 18 ਸਾਲ ਦੀ ਉਮਰ ਵਿੱਚ ਕੀਤੀ ਸੀ। -ਪੀਟੀਆਈ