ਰਣਧੀਰ ਸਿੰਘ ਦਾ ਓਸੀਏ ਪ੍ਰਧਾਨ ਬਣਨਾ ਤੈਅ

ਨਵੀਂ ਦਿੱਲੀ, 22 ਜੁਲਾਈ
ਤਜਰਬੇਕਾਰ ਖੇਡ ਪ੍ਰਸ਼ਾਸਕ ਰਣਧੀਰ ਸਿੰਘ ਓਲੰਪਿਕ ਕੌਂਸਲ ਆਫ ਏਸ਼ੀਆ (ਓਸੀਏ) ਦੇ ਪ੍ਰਧਾਨ ਬਣਨ ਦੀ ਰਾਹ ’ਤੇ ਹਨ। ਉਹ ਇਸ ਅਹੁਦੇ ’ਤੇ ਸੇਵਾਵਾਂ ਦੇਣ ਵਾਲੇ ਪਹਿਲੇ ਭਾਰਤੀ ਹੋਣਗੇ। 8 ਸਤੰਬਰ ਨੂੰ ਹੋਣ ਵਾਲੀਆਂ ਚੋਣਾਂ ਵਿਚ ਸਿਖਰਲੇ ਅਹੁਦੇ ਲਈ ਉਹ ਇਕੱਲੇ ਉਮੀਦਵਾਰ ਬਚੇ ਹਨ। ਰਣਧੀਰ ਇਸ ਵੇਲੇ ਸੰਸਥਾ ਦੇ ਕਾਰਜਕਾਰੀ ਪ੍ਰਧਾਨ ਹਨ। ਓਸੀਏ ਨੇ ਇੱਕ ਬਿਆਨ ਵਿੱਚ ਕਿਹਾ, ‘‘ਓਸੀਏ ਚੋਣ ਕਮਿਸ਼ਨ ਇਸ ਗੱਲ ਦੀ ਪੁਸ਼ਟੀ ਕਰ ਸਕਦਾ ਹੈ ਕਿ ਓਸੀਏ ਦੇ ਕਾਰਜਕਾਰੀ ਪ੍ਰਧਾਨ ਰਣਧੀਰ ਸਿੰਘ 8 ਸਤੰਬਰ 2024 ਨੂੰ ਓਸੀਏ ਜਨਰਲ ਅਸੈਂਬਲੀ ਦੀ ਚੋਣ ਲਈ ਨਾਮਜ਼ਦ ਕੀਤੇ ਜਾਣ ਵਾਲੇ ਇੱਕੋ-ਇੱਕ ਉਮੀਦਵਾਰ ਹਨ।’’ -ਪੀਟੀਆਈ