ਪਿੰਡ ਮਲਕਾਣਾ ਦੇ ਸਰਪੰਚ ਬਣੇ ਰਾਮਪਾਲ ਮਲਕਾਣਾ

ਤਲਵੰਡੀ ਸਾਬੋ:

ਪਿੰਡ ਮਲਕਾਣਾ ਤੋਂ ਰਾਮਪਾਲ ਸਿੰਘ ਮਲਕਾਣਾ ਸਾਬਕਾ ਪ੍ਰਧਾਨ ਟਰੱਕ ਯੂਨੀਅਨ ਰਾਮਾਂ 432 ਵੋਟਾਂ ਦੇ ਫਰਕ ਨਾਲ ਜਿੱਤ ਕੇ ਸਰਪੰਚ ਬਣੇ। ਜਦਕਿ ਵਿਧਾਇਕਾ ਪ੍ਰੋਫੈਸਰ ਬਲਜਿੰਦਰ ਕੌਰ ਦੇ ਪੇਕੇ ਪਿੰਡ ਜਗਾ ਰਾਮ ਤੀਰਥ ਕਲਾਂ ਤੋਂ ਸੁਰਜੀਤ ਕੌਰ ਨੇ 326 ਵੋਟਾਂ ਵੱਧ ਲੈ ਕੇ ਜਿੱਤ ਪ੍ਰਾਪਤ ਕੀਤੀ। ਪਿੰਡ ਮੈਨੂੰਆਣਾ ਦੀ ਸਰਪੰਚੀ ਜਸਦੀਪ ਸਿੰਘ ਨੇ ਖੇਤੀਬਾੜੀ ਵਿਕਾਸ ਦੇ ਡਾਇਰੈਕਟਰ ਜਗਤਾਰ ਸਿੰਘ ਮੈਨੂੰਆਣਾ ਨੂੰ 95 ਵੋਟਾਂ ਦੇ ਫਰਕ ਨਾਲ ਪਿੰਡ ਦੀ ਸਰਪੰਚੀ ਜਿੱਤੀ। ਪਿੰਡ ਨੱਤ ਤੋਂ ਚਰਨਜੀਤ ਕੌਰ ਪਤਨੀ ਝੰਡਾ ਸਿੰਘ ਸਿੱਧੀ ਟੱਕਰ ਵਿੱਚ ਸੁਖਪਾਲ ਕੌਰ ਨੂੰ ਹਰਾ ਕੇ ਸਰਪੰਚ ਬਣੀ। ਲੇਲੇਵਾਲਾ ਵਿੱਚ ਕਰਮਜੀਤ ਕੌਰ ਨੇ ਪਰਮਜੀਤ ਕੌਰ ਨੂੰ 687 ਵੋਟਾਂ ਦੇ ਵੱਡੇ ਫਰਕ ਨਾਲ ਹਰਾ ਕੇ ਸਰਪੰਚੀ ਜਿੱਤੀ। -ਪੱਤਰ ਪ੍ਰੇਰਕ