ਰਾਮਲੀਲਾ ਡਰਾਮਾਟਿਕ ਕਲੱਬ ਦੇ ਕਲਾਕਾਰਾਂ ਦਾ ਸਨਮਾਨ

ਖਰੜ (ਪੱਤਰ ਪ੍ਰੇਰਕ): ਜਨਸੇਵਾ ਵੈੱਲਫੇਅਰ ਸੁਸਾਇਟੀ ਚੰਡੀਗੜ੍ਹ ਨੇ ਸਨਮਾਨ ਸਮਾਰੋਹ ਕਰਵਾਇਆ ਗਿਆ, ਜਿਸ ਵਿੱਚ ਸ੍ਰੀ ਰਾਮਲੀਲਾ ਡਰਾਮਾਟਿਕ ਕਲੱਬ ਖਰੜ ਨੂੰ ਸੱਦਿਆ ਕੇ ਭਗਵਾਨ ਰਾਮ, ਲੱਛਮਨ, ਮਾਤਾ ਸੀਤਾ ਤੇ ਹਨੂੰਮਾਨ ਦਾ ਕਿਰਦਾਰ ਨਿਭਾਉਣ ਵਾਲੇ ਕਲਾਕਾਰਾਂ ਨੂੰ ਸਨਮਾਨਿਤ ਕੀਤਾ। ਕਲੱਬ ਦੇ ਪ੍ਰਧਾਨ ਸ਼ਿਵ ਚਰਨ ਪਿੰਕੀ ਨੂੰ ਲਾਈਫਟਾਈਮ ਅਚੀਵਮੈਂਟ ਐਵਾਰਡ ਦਿੱਤਾ ਗਿਆ। ਇਸ ਮੌਕੇ ਕਲੱਬ ਦੇ ਸੀਨੀਅਰ ਮੀਤ ਪ੍ਰਧਾਨ ਵਰਿੰਦਰ ਭਾਮਾਂ, ਜੁਆਇੰਟ ਸੈਕਟਰੀ ਜਗਦੀਸ਼ ਧੀਮਾਨ, ਜਨਰਲ ਡਾਇਰੈਕਟਰ ਪ੍ਰਵੀਨ ਕਰਵਲ, ਮੇਕਅਪ ਮਾਸਟਰ ਅਜੇ ਬੱਬੂ ਅਤੇ ਟੈਗੋਰ ਥੀਏਟਰ ਚੰਡੀਗੜ੍ਹ ਦੇ ਮੈਂਬਰ ਉਮੇਸ਼ ਚੌਹਾਨ ਹਾਜ਼ਰ ਸਨ। ਸਮਾਗਮ ’ਚ ਚੰਡੀਗੜ ਦੇ ਸਾਬਕਾ ਸੰਸਦ ਮੈਂਬਰ ਸੱਤਿਆ ਪਾਲ ਜੈਨ ਵੀ ਸ਼ਾਮਲ ਹੋਏ।