ਰਾਮ ਮਾਧਵਾਨੀ ਨੇ ਮੇਰੀ ਕਲਾ ਨੂੰ ਪਛਾਣਿਆ: ਸੁਸ਼ਮਿਤਾ ਸੇਨ

ਮੁੰਬਈ: ਅਦਾਕਾਰਾ ਸੁਸ਼ਮਿਤਾ ਸੇਨ ਨੇ ਆਖਿਆ ਕਿ ਉਹ ਨਿਰਦੇਸ਼ਕ ਰਾਮ ਮਾਧਵਾਨੀ ਨਾਲ ਕੰਮ ਕਰ ਕੇ ਬਹੁਤ ਖੁਸ਼ ਹੈ ਕਿਉਂਕਿ ਉ੍ਨ੍ਹਾਂ ਨਾਲ ਕੰਮ ਕਰਨ ਤੋਂ ਬਾਅਦ ਉਸ ਦੀ ਅਦਾਕਾਰੀ ਵਿੱਚ ਬਹੁਤ ਨਿਖਾਰ ਆਇਆ ਹੈ। ਅਦਾਕਾਰਾ ਨੇ ਆਖਿਆ ਕਿ ਰਾਮ ਮਾਧਵਾਨੀ ਨੇ ਉਸ ਦੀ ਕਲਾ ਦੇ ਵੱਖ-ਵੱਖ ਰੰਗਾਂ ਤੇ ਪਸਾਰਾਂ ਨੂੰ ਪਛਾਣਿਆ ਹੈ। ਸੁਸ਼ਮਿਤਾ ਸੈਨ ਨੇ ਰਾਮ ਮਾਧਵਨੀ ਦੀ ਵੈੱਬ ਸੀਰੀਜ਼ ‘ਆਰਿਆ’ ਵਿੱਚ ਮੁੱਖ ਭੂਮਿਕਾ ਨਿਭਾਈ ਹੈ। ‘ਨੀਰਜਾ’ ਦੇ ਡਾਇਰੈਕਟਰ ਨਾਲ ਕੰਮ ਕਰਨ ਦੀ ਖੁਸ਼ੀ ਸਾਂਝੀ ਕਰਦਿਆਂ ਸੁਸ਼ਮਿਤਾ ਨੇ ਕਿਹਾ, ‘‘ਰਾਮ ਮਾਧਵਨੀ ਨਾਲ ਕੰਮ ਕਰਨਾ ਹਮੇਸ਼ਾ ਸ਼ਾਨਦਾਰ ਹੁੰਦਾ ਹੈ। ਮੈਂ ਸੱਚਮੁਚ ਉਸ ਦੀ ਪ੍ਰਤਿਭਾ ਦੀ ਸ਼ਲਾਘਾ ਕਰਦੀ ਹਾਂ। ਉਸ ਨੇ ਭੋਲੀ-ਭਾਲੀ ਤੇ ਨਿਤਾਣੀ ਔਰਤ ਨੂੰ ਜ਼ਿੰਦਗੀ ਦੀਆਂ ਚੁਣੌਤੀਆਂ ਕਰਨ ਵਾਲੀ ਆਰਿਆ ਬਣਾਇਆ।’’ ਸਾਬਕਾ ਮਿਸ ਯੂਨੀਵਰਸ ਨੇ ਕਿਹਾ, ‘‘ਆਫ-ਸਕ੍ਰੀਨ, ਰਾਮ ਨੇ ਮੇਰੇ ਅੰਦਰ ਛੁਪੀ ਕਲਾ ਨੂੰ ਪਛਾਣ ਲਿਆ ਜਿਸ ਬਾਰੇ ਮੈਂ ਕਦੇ ਨਹੀਂ ਜਾਣਦੀ ਸੀ। ਉਸ ਦਾ ਮੇਰੇ ’ਤੇ ਬਹੁਤ ਭਰੋਸਾ ਹੈ। ਉਸ ਨੇ ਮੇਰੇ ਤੋਂ ਪਹਿਲਾਂ ਮੇਰੇ ਅੰਦਰ ਆਰਿਆ ਨੂੰ ਦੇਖ ਲਿਆ ਸੀ। ਸੁਸ਼ਮਿਤਾ ਨੇ ਕਿਹਾ, ‘‘ਆਰਿਆ ਅੰਤਿਮ ਵਾਰ’ ਲਈ ਰਾਮ ਅਤੇ ਮੈਂ ਆਰਿਆ ਦੇ ਕਿਰਦਾਰ ਨੂੰ ਸਮਝਣ ਲਈ ਸਮਾਂ ਦਿੱਤਾ।’’ ‘ਆਰਿਆ ਅੰਤਿਮ ਵਾਰ’ 9 ਫਰਵਰੀ ਨੂੰ ‘ਡਿਜ਼ਨੀ+ਹੌਟਸਟਾਰ ’ਤੇ ਰਿਲੀਜ਼ ਹੋਵੇਗੀ। -ਆਈਏਐੱਨਐੱਸ