ਬਿਜਲੀ ਮੁਲਾਜ਼ਮਾਂ ਵੱਲੋਂ ਪਾਵਰਕੌਮ ਦਫ਼ਤਰ ਅੱਗੇ ਰੈਲੀ

ਲਹਿਰਾਗਾਗਾ: ਬਿਜਲੀ ਮੁਲਾਜ਼ਮ ਏਕਤਾ ਮੰਚ ਪੰਜਾਬ ਦੇ ਦਿੱਤੇ ਸੰਘਰਸ਼ ਅਨੁਸਾਰ ਬਿਜਲੀ ਮੁਲਾਜ਼ਮ ਮੰਚ ਦੇ ਮੈਂਬਰਾਂ ਵੱਲੋਂ ਅੱਜ ਤੋਂ ਵਰਕ ਟੂ ਰੂਲ ਅਨੁਸਾਰ ਹੀ ਡਿਊਟੀ ਕੀਤੀ ਜਾਵੇਗੀ ਅਤੇ ਸ਼ਿਫਟ ਡਿਊਟੀ ਵਾਲੇ ਕਰਮਚਾਰੀ ਆਪਣੀ ਡਿਊਟੀ ਸਿਰਫ਼ ਅੱਠ ਘੰਟੇ ਹੀ ਕਰਨਗੇ । ਮੰਚ ਵੱਲੋਂ ਦਿੱਤੇ ਸੰਘਰਸ਼ ਅਨੁਸਾਰ ਅੱਜ ਵੀ ਰੋਸ ਰੈਲੀ ਕੀਤੀ ਗਈ ਅਤੇ 5 ਸਾਥੀ ਬਲਵਿੰਦਰ ਸਿੰਘ ਬੱਲਰਾਂ,ਮਾਨ ਸਿੰਘ, ਵਕੀਲ ਸਿੰਘ, ਬੂਟਾ ਸਿੰਘ, ਕੀਰਤਪਾਲ ਭੁੱਖ ਹੜਤਾਲ ‘ਤੇ ਬੈਠੇ। ਆਗੂਆਂ ਨੇ ਕਿਹਾ ਕਿ ਜਦੋਂ ਤੱਕ ਮੈਨੇਜਮੈਂਟ ਮੁਲਾਜ਼ਮ ਮਸਲੇ ਹੱਲ ਕਰਨ ਪ੍ਰਤੀ ਸੰਜੀਦਾ ਨਹੀਂ ਹੁੰਦੀ, ਸੰਘਰਸ਼ ਜਾਰੀ ਰਹੇਗਾ। ਅੱਜ ਦੀ ਰੈਲੀ ਪ੍ਰਧਾਨਗੀ ਰਾਮ ਚੰਦਰ ਸਿੰਘ ਖਾਈ ਤੇ ਸੁਰਿੰਦਰ ਮੋਹਨ ਨੇ ਕੀਤੀ ਜਿਸ ਵਿੱਚ ਪੰਜਾਬ ਦੇ ਆਗੂ ਦਵਿੰਦਰ ਸਿੰਘ ਪਸੋਰ, ਪੂਰਨ ਸਿੰਘ ਖਾਈ , ਗੁਰਛੈਬਰ ਸਿੰਘ, ਜਗਸੀਰ ਸਿੰਘ ਰਾਮਗੜ੍ਹ , ਬੂਟਾ ਸਿੰਘ, ਬਲਵਿੰਦਰ ਸਿੰਘ ਬੱਲਰਾਂ ਨੇ ਹਿੱਸਾ ਲਿਆ। -ਪੱਤਰ ਪ੍ਰੇਰਕ