ਰਕਤ ਸੇਵਕ ਪਰਿਵਾਰ ਨੇ ਵੱਖ-ਵੱਖ ਥਾਈਂ ਪੌਦੇ ਲਾਏ
ਸਤਨਾਮ ਸਿੰਘ
ਸ਼ਾਹਬਾਦ ਮਾਰਕੰਡਾ, 10 ਜੁਲਾਈ
ਰਕਤ ਸੇਵਕ ਪਰਿਵਾਰ ਵੱਲੋਂ ਅੱਜ ‘ਪੌਦੇ ਲਾਓ’ ਮੁਹਿੰਮ ਤਹਿਤ ਸਨਾਤਨ ਧਰਮ ਹਨੂੰਮਾਨ ਮੰਦਿਰ ਅਤੇ ਹੋਰ ਥਾਈਂ ਪੌਦੇ ਲਾਏ ਗਏ। ਰਕਤ ਸੇਵਕ ਪਰਿਵਾਰ ਦੇ ਸੰਸਥਾਪਕ ਗਗਨ ਚੰਡੋਕ ਨੇ ਦੱਸਿਆ ਕਿ ਇਹ ਪੌਦੇ ‘ਦੁੱਖ-ਸੁੱਖ ਦੇ ਸਾਥੀ’ ਗਰੁੱਪ ਤੇ ਮੰਦਿਰ ਸਭਾ ਦੇ ਸਹਿਯੋਗ ਨਾਲ ਲਾਏ ਗਏ। ਉਨ੍ਹਾਂ ਕਿਹਾ ਕਿ ਰਕਤ ਸੇਵਕ ਪਰਿਵਾਰ ਵੱਲੋਂ ਲਾਏ ਗਏ ਪੌਦਿਆਂ ਦੀ ਸੰਭਾਲ ਵੀ ਉਸੇ ਵੱਲੋਂ ਕੀਤੀ ਜਾਏਗੀ।
ਉਨ੍ਹਾਂ ਕਿਹਾ ਕਿ ਇਹ ਪੌਦੇ ਵੱਡੇ ਹੋ ਕੇ ਜਿੱਥੇ ਪੰਛੀਆਂਂ ਅਤੇ ਹੋਰ ਜੀਵ-ਜੰਤੂਆਂ ਨੂੰ ਆਸਰਾ ਦੇਣਗੇ ਉਥੇ ਹੀ ਇਹ ਆਕਸੀਜਨ ਵੀ ਦਿੰਦੇ ਹਨ ਜੋ ਮਨੁੱਖੀ ਜੀਵਨ ਲਈ ਅਤਿ ਲੋੜੀਂਦੀਂ ਹੈ। ਉਨ੍ਹਾਂ ਕਿਹਾ ਕਿ ਅੱਜ ਮਨੁੱਖ ਆਪਣੇ ਸੁੱਖਾਂ ਦੀ ਖਾਤਰ ਅੰਨ੍ਹੇਵਾਹ ਦਰੱਖਤ ਕੱਟ ਰਿਹਾ ਹੈ ਜਿਸ ਕਰਕੇ ਕੁਦਰਤੀ ਆਫਤਾਂ ਵਿੱਚ ਵੀ ਲਗਾਤਾਰ ਵਾਧਾ ਹੋ ਰਿਹਾ ਹੈ। ਜੰਗਲ ਪੂਰੀ ਤਰ੍ਹਾਂ ਖਾਲੀ ਹੋ ਰਹੇ ਹਨ। ਹਰਿਆਲੀ ਨਾਮਾਤਰ ਹੀ ਰਹਿ ਗਈ ਹੈ। ਪ੍ਰਦੂਸ਼ਣ ਅਤੇ ਗਰਮੀ ਹਦੋਂ ਵੱਧ ਹੋ ਰਹੀ ਹੈ। ਉਨ੍ਹਾਂ ਕਿਹਾ ਕਿ ਜੇ ਬੂਟੇ ਲਾਉਣ ਅਤੇ ਇਨ੍ਹਾਂ ਦੀ ਸੰਭਾਲ ਵੱਲ ਧਿਆਨ ਨਾ ਦਿੱਤਾ ਗਿਆ ਤਾਂ ਮਨੁੱਖੀ ਜੀਵਨ ਦੀ ਹੌਂਦ ਨੂੰ ਖਤਰਾ ਹੋ ਸਕਦਾ ਹੈ। ਇਸ ਦੌਰਾਨ ਉਨ੍ਹਾਂ ਸ਼ਾਹਬਾਦ ਅਤੇ ਨੜਲੇ ਇਲਾਕੇ ਨੂੰ ਹਰਿਆ-ਭਰਿਆ ਬਣਾਉਣ ਲਈ ਯਤਨਸ਼ੀਹ ਵਾਤਾਵਰਨ ਪ੍ਰੇਮੀ ਭਗਵੰਤ ਸਿੰਘ ਦੀ ਵੀ ਸ਼ਲਾਘਾ ਕੀਤੀ।