ਅੰਤਰਰਾਜੀ ਮੁਕਾਬਲਿਆਂ ’ਚ ਰਾਜਵੀਰ ਤੇ ਗੁਰਜੋਤ ਦਾ ਵਧੀਆ ਪ੍ਰਦਰਸ਼ਨ

ਲਹਿਰਾਗਾਗਾ: 68ਵੀਂਆ ਇੰਟਰ ਸਟੇਟ ਕਬੱਡੀ (ਲੜਕੀਆਂ) ਦੀਆਂ ਖੇਡਾਂ ਵਿੱਚ ਜ਼ਿਲ੍ਹਾ ਸੰਗਰੂਰ ਨੇ ਕਈ ਜ਼ਿਲ੍ਹਿਆਂ ਨੂੰ ਹਰਾਉਂਦੇ ਹੋਏ ਤੀਸਰਾ ਸਥਾਨ ਹਾਸਲ ਕੀਤਾ ਹੈ। ਸੰਗਰੂਰ ਜ਼ਿਲ੍ਹੇ ਦੀ ਕਬੱਡੀ ਦੀ ਇਸ ਜੇਤੂ ਟੀਮ ਵਿੱਚ ਅਕਾਲ ਸਹਾਇ ਅਕੈਡਮੀ (ਡੇਅ-ਬੋਰਡਿੰਗ ਇੰਗਲਿਸ਼ ਮੀਡੀਅਮ ਸਕੂਲ ਭੁਟਾਲ ਕਲਾਂ ਸਕੂਲ ਦੀਆ ਦੋ ਵਿਦਿਆਰਥਣਾਂ ਰਾਜਵੀਰ ਕੌਰ (ਕਾਲਬੰਜਾਰਾ) ਅਤੇ ਗੁਰਜੋਤ ਕੌਰ (ਹਰੀਗੜ੍ਹ) ਨੇ ਵੀ ਇਸ ਟੀਮ ਵਿੱਚ ਹਿੱਸਾ ਲਿਆ। ਇਨ੍ਹਾਂ ਦੋਵਾਂ ਵਿਦਿਆਰਥਣਾਂ ਨੇ ਜ਼ਿਲ੍ਹਾ ਸੰਗਰੂਰ ਦੀ ਟੀਮ ਵੱਲੋਂ ਖੇਡਦਿਆਂ ਬਹੁਤ ਵਧੀਆ ਪ੍ਰਦਰਸ਼ਨ ਕੀਤਾ। ਕਪਤਾਨ ਰਾਜਵੀਰ ਕੌਰ ਦੀ ਚੋਣ ਨੈਸ਼ਨਲ ਪੱਧਰੀ ਮੁਕਾਬਲੇ ਲਈ ਕੀਤੀ ਗਈ। ਜੇਤੂ ਬੱਚੀਆਂ ਦਾ ਸਕੂਲ ਪਹੁੰਚਣ ’ਤੇ ਸਕੂਲ ਦੇ ਚੇਅਰਮੈਨ ਤਰਸੇਮ ਪੁਰੀ ਅਤੇ ਪ੍ਰਿੰਸੀਪਲ ਰਜਨੀ ਰਾਣੀ ਅਤੇ ਸਮੂਹ ਸਟਾਫ ਨੇ ਹਾਰ ਪਾ ਕੇ ਉਨ੍ਹਾਂ ਦਾ ਸ਼ਾਨਦਾਰ ਅਤੇ ਨਿੱਘਾ ਸਵਾਗਤ ਕੀਤਾ। -ਪੱਤਰ ਪ੍ਰੇਰਕ