ਰਾਜਸਥਾਨ: ਅਭਿਆਸ ਦੌਰਾਨ ਅੱਗ ਬੁਝਾਊ ਸਿਲੰਡਰ ਫਟਣ ਕਾਰਨ ਅਗਨੀਵੀਰ ਦੀ ਮੌਤ
09:54 PM Oct 05, 2024 IST
Advertisement
ਜੈਪੁਰ, 5 ਅਕਤੂਬਰ
Advertisement
ਰਾਜਸਥਾਨ ਦੇ ਭਰਤਪੁਰ ਵਿੱਚ ਅਭਿਆਸ (ਮੌਕ ਡਰਿੱਲ) ਦੌਰਾਨ ਅੱਗ ਬੁਝਾਊ ਸਿਲੰਡਰ ਫਟਣ ਕਾਰਨ ਚੌਵੀ ਵਰ੍ਹਿਆਂ ਦੇ ਇੱਕ ਅਗਨੀਵੀਰ ਦੀ ਮੌਤ ਹੋ ਗਈ। ਪੁਲੀਸ ਨੇ ਅੱਜ ਇਹ ਜਾਣਕਾਰੀ ਦਿੱਤੀ। ਡੀਐੱਸਪੀ ਅਨਿਲ ਜਸੋਰੀਆ ਨੇ ਕਿਹਾ ਕਿ ਗੋਲਪੁਰਾ ਆਰਮੀ ਇਲਾਕੇ ’ਚ ਮੌਕ ਡਰਿੱਲ ਦੌਰਾਨ ਅੱਗ ਬੁਝਾਉਣ ਵਾਲਾ ਸਿਲੰਡਰ ਫਟਣ ਕਾਰਨ ਅਗਨੀਵੀਰ ਸੌਰਭ ਪਾਲ ਦੀ ਮੌਤ ਹੋ ਗਈ। ਉਨ੍ਹਾਂ ਦੱਸਿਆ ਕਿ ਪਾਲ ਉੱਤਰ ਪ੍ਰਦੇਸ਼ ਦੇ ਪਿੰਡ ਭਾਖਾਰਾ ਦਾ ਰਹਿਣ ਵਾਲਾ ਸੀ, ਜਿਸ ਨੇ ਹਸਪਤਾਲ ’ਚ ਇਲਾਜ ਦੌਰਾਨ ਜ਼ਖਮਾਂ ਦੀ ਤਾਬ ਨਾ ਝੱਲਦਿਆਂ ਦਮ ਤੋੜਿਆ। ਸੌਰਭ ਪਾਲ ਸਾਲ 2023 ’ਚ ਅਗਨੀਵਰ ਸਕੀਮ ਤਹਿਤ ਫੌਜ ’ਚ ਭਰਤੀ ਹੋਇਆ ਸੀ। ਅਧਿਕਾਰੀ ਮੁਤਾਬਕ ਪਾਲ ਦੀ ਦੇਹ ਵਾਰਸਾਂ ਨੂੰ ਸੌਂਪ ਦਿੱਤੀ ਗਈ ਹੈ। -ਪੀਟੀਆਈ
Advertisement
Advertisement