ਜੱਜ ਵੱਲੋਂ ਚੋਣਾਂ ਲਈ ਅਸਤੀਫ਼ਾ ਦੇਣ ’ਤੇ ਉੱਠਣਗੇ ਸਵਾਲ: ਜਸਟਿਸ ਗਵਈ

ਅਹਿਮਦਾਬਾਦ, 20 ਅਕਤੂਬਰ

ਸੁਪਰੀਮ ਕੋਰਟ ਦੇ ਚੀਫ਼ ਜਸਟਿਸ ਬੀਆਰ ਗਵਈ ਨੇ ਕਿਹਾ ਹੈ ਕਿ ਚੋਣ ਲੜਨ ਲਈ ਜੱਜ ਵੱਲੋਂ ਤੁਰੰਤ ਅਸਤੀਫ਼ਾ ਦੇਣ ਨਾਲ ਉਸ ਦੀ ਨਿਰਪੱਖਤਾ ਨੂੰ ਲੈ ਕੇ ਲੋਕ ਭਾਵਨਾ ਪ੍ਰਭਾਵਿਤ ਹੋ ਸਕਦੀ ਹੈ। ਉਨ੍ਹਾਂ ਕਿਹਾ ਕਿ ਜੁਡੀਸ਼ਲ ਨੈਤਿਕਤਾ ਅਤੇ ਇਮਾਨਦਾਰੀ ਅਜਿਹੇ ਬੁਨਿਆਦੀ ਥੰਮ੍ਹ ਹਨ ਜੋ ਕਾਨੂੰਨੀ ਪ੍ਰਣਾਲੀ ਦੀ ਭਰੋਸੇਯੋਗਤਾ ਨੂੰ ਬਣਾਈ ਰਖਦੇ ਹਨ। ਜਸਟਿਸ ਗਵਈ ਨੇ ਸ਼ਨਿੱਚਰਵਾਰ ਨੂੰ ਗੁਜਰਾਤ ਦੇ ਜੁਡੀਸ਼ਲ ਅਧਿਕਾਰੀਆਂ ਦੀ ਸਾਲਾਨਾ ਕਾਨਫਰੰਸ ਨੂੰ ਸੰਬੋਧਨ ਕਰਦਿਆਂ ਕਿਹਾ ਕਿ ਬੈਂਚ ’ਚ ਰਹਿੰਦਿਆਂ ਅਤੇ ਬੈਂਚ ਤੋਂ ਬਾਹਰ ਜੱਜਾਂ ਦਾ ਵਿਹਾਰ ਜੁਡੀਸ਼ਲ ਨੈਤਿਕਤਾ ਦੇ ਉਚੇਰੇ ਮਾਪਦੰਡਾਂ ਮੁਤਾਬਕ ਹੋਣਾ ਚਾਹੀਦਾ ਹੈ। -ਪੀਟੀਆਈ