ਘੋੜ ਸਵਾਰੀ ਲਈ ਕੁਆਲੀਫਾਇਰ ਮੁਕਾਬਲੇ

ਖੇਤਰੀ ਪ੍ਰਤੀਨਿਧ
ਐੱਸਏਐੱਸ ਨਗਰ(ਮੁਹਾਲੀ), 16 ਨਵੰਬਰ
ਚੰਡੀਗੜ੍ਹ ਘੋੜ ਸਵਾਰੀ ਸੁਸਾਇਟੀ, ਮੁਹਾਲੀ ’ਚ ਕੌਮੀ ਕੁਆਲੀਫਾਇਰ ਮੁਕਾਬਲੇ ਸ਼ੁਰੂ ਹੋ ਗਏ ਹਨ। ਇਸ ਸੁਹਾਵਾ (13) ਨੇ ਪਹਿਲਾ ਕੌਮੀ ਕੁਆਲੀਫਾਇਰ ਪਾਸ ਕੀਤਾ ਜਦੋਂਕਿ ਸਾਵੀਆ (10) ਕਿਡਜ਼ ਵਰਗ ਵਿੱਚ ਦੂਜੇ ਸਥਾਨ ’ਤੇ ਰਹੀ। ਸੁਸਾਇਟੀ ਦੇ ਜਨਰਲ ਸਕੱਤਰ ਐਡਵੋਕੇਟ ਜੇਐਸ ਤੂਰ ਨੇ ਦੱਸਿਆ ਕਿ ਨੈਸ਼ਨਲ ਕੁਆਲੀਫਾਇਰ ਵਿੱਚ ਪਹਿਲੇ ਦਿਨ 38 ਪ੍ਰਤੀਭਾਗੀਆਂ ਨੇ ਭਾਗ ਲਿਆ। ਉਨ੍ਹਾਂ ਦੱਸਿਆ ਕਿ ਪੰਜਾਬ ਪੁਲੀਸ ਦੇ ਡੀਆਈਜੀ ਇੰਦਰਵੀਰ ਸਿੰਘ ਨੇ ਅੱਜ ਦੂਜੇ ਨੈਸ਼ਨਲ ਕੁਆਲੀਫਾਇਰ ਨੂੰ ਵੀ ਪਾਰ ਕਰ ਲਿਆ। ਯਾਦਵਿੰਦਰਾ ਪਬਲਿਕ ਸਕੂਲ ਦੀ ਤੀਜੀ ਕਲਾਸ ਦੀ ਵਿਦਿਆਰਥਣ ਜਸਨੂਰ ਕੌਰ ਸੰਧੂ ਨੇ ਟਰੌਟ ਰੇਸਿੰਗ ਵਿੱਚ ਤੀਜਾ ਸਥਾਨ ਹਾਸਲ ਕੀਤਾ।