ਪੰਜਾਬੀ ਕੁੜੀ ਡਿੱਗੀ ਨਹੀਂ ਸਗੋਂ ਖ਼ੁਦਕੁਸ਼ੀ ਕੀਤੀ: ਨਿਆਗਰਾ ਪੁਲੀਸ

ਗੁਰਮਲਕੀਅਤ ਸਿੰਘ ਕਾਹਲੋਂ

ਵੈਨਕੂਵਰ, 8 ਜੂਨ

ਹਫਤਾ ਪਹਿਲਾਂ ਨਿਆਗਰਾ ਫਾਲਜ਼ ‘ਚ ਡੁੱਬ ਕੇ ਮਰੀ ਪੰਜਾਬ ਤੋਂ ਪੜ੍ਹਾਈ ਵੀਜ਼ੇ ‘ਤੇ ਪਿਛਲੇ ਸਾਲ ਕੈਨੇਡਾ ਆਈ ਜਲੰਧਰ ਜ਼ਿਲ੍ਹੇ ਦੇ ਮਲਸੀਆਂ ਨੇੜਲੇ ਪਿੰਡ ਘੁਦੋਵਾਲ ਦੀ ਪੂਨਮਦੀਪ ਕੌਰ (21) ਬਾਰੇ ਨਿਆਗਰਾ ਪੁਲੀਸ ਨੇ ਜਾਂਚ ਤੋਂ ਬਾਅਦ ਖੁਲਾਸਾ ਕੀਤਾ ਕਿ ਉਹ ਤਿਲਕ ਕੇ ਨਹੀਂ ਡਿੱਗੀ ਸਗੋਂ ਉਸ ਨੇ ਖੁਦਕੁਸ਼ੀ ਦੇ ਇਰਾਦੇ ਨਾਲ ਨਿਆਗਰਾ ਫਾਲਜ਼ ਤੋਂ ਛਾਲ ਮਾਰੀ ਸੀ। ਪੁਲੀਸ ਨੇ ਕਿਹਾ ਕਿ ਉਸ ਦੀ ਭਾਲ ਅਜੇ ਜਾਰੀ ਹੈ। ਪੁਲੀਸ ਅਨੁਸਾਰ ਕੈਨੇਡਾ ਆਈ ਲੜਕੀ ਆਪਣੇ ਦੋਸਤ ਜਾਂ ਸਹੇਲੀ ਨਾਲ ਨਿਆਗਰਾ ਆਈ ਸੀ। ਪੁਲੀਸ ਨੇ ਦੱਸਿਆ ਕਿ ਬੇਸ਼ੱਕ ਪਹਿਲੀ ਨਜ਼ਰੇ ਸਮਝਿਆ ਗਿਆ ਸੀ ਕਿ ਉਹ ਪੈਰ ਫਿਸਲ ਕੇ ਦਰਿਆ ‘ਚ ਡਿੱਗੀ ਪਰ ਜਾਂਚ ਦੌਰਾਨ ਪਤਾ ਲੱਗਿਆ ਕਿ ਕੁੜੀ ਨੇ ਖੁਦ ਉੱਥੇ ਛਾਲ ਮਾਰ ਸੀ ਅਤੇ ਪਾਣੀ ਦੇ ਤੇਜ਼ ਵਹਾਅ ‘ਚ ਰੁੜ੍ਹ ਗਈ। ਮ੍ਰਿਤਕਾ ਦੇ ਰਿਸ਼ਤੇਦਾਰ ਬਲਕਾਰ ਸਿੰਘ ਨੇ ਵੀ ਕੁੜੀ ਦੀ ਲਾਸ਼ ਮਿਲਣ ਦਾ ਕੀਤਾ ਹੈ।