ਪੁੱਡਾ ਕਾਮਿਆਂ ਦੀ ਭੁੱਖ ਹੜਤਾਲ ਸਮਾਪਤ

ਗੁਰਨਾਮ ਸਿੰਘ ਅਕੀਦਾ
ਪਟਿਆਲਾ, 22 ਮਈ
ਪੁੱਡਾ ਅਧਿਕਾਰੀਆਂ ਵੱਲੋਂ ਕਾਮਿਆਂ ਦੀਆਂ ਮੰਗਾਂ ਮੰਨਣ ਮਗਰੋਂ ਉਨ੍ਹਾਂ ਅੱਜ ਲੜੀਵਾਰ ਭੁੱਖ ਹੜਤਾਲ ਖ਼ਤਮ ਕਰ ਦਿੱਤੀ ਹੈ। ਉਹ ਲਗਾਤਾਰ ਤਿੰਨ ਦਿਨਾਂ ਤੋਂ ਰੋਸ ਮੁਜ਼ਾਹਰੇ ਤੇ ਭੁੱਖ ਹੜਤਾਲ ਕਰ ਰਹੇ ਸਨ। ਜ਼ਿਕਰਯੋਗ ਹੈ ਕਿ ਤਨਖ਼ਾਹ ਨਾ ਦੇਣ ਦੇ ਰੋਸ ਵਜੋਂ ਦਿਹਾੜੀਦਾਰ ਕਾਮਿਆਂ ਵੱਲੋਂ ਪੁੱਡਾ ਦਫ਼ਤਰ ਸਾਹਮਣੇ ਭਾਰੀ ਰੋਸ ਮੁਜ਼ਾਹਰਾ ਪੰਜਾਬ ਫ਼ੀਲਡ ਐਂਡ ਵਰਕਰ ਯੂਨੀਅਨ ਦਾ ਧਰਨਾ ਪ੍ਰਧਾਨ ਸ਼ਨੀ ਕੁਮਾਰ ਦੀ ਅਗਵਾਈ ਵਿਚ ਕੀਤਾ ਜਾ ਰਿਹਾ ਸੀ। ਪੁੱਡਾ ਦੇ ਅਧਿਕਾਰੀਆਂ ਨਾਲ ਕਈ ਵਾਰ ਲਿਖਤੀ ਅਤੇ ਜ਼ੁਬਾਨੀ ਤੌਰ ’ਤੇ ਕੀਤੀਆਂ ਮੀਟਿੰਗ ਹੋਣ ਬਾਵਜੂਦ ਕੋਈ ਹੱਲ ਨਹੀਂ ਕਿਤਾ ਗਿਆ ਸੀ। ਜਾਣਕਾਰੀ ਅਨੁਸਾਰ ਜਥੇਬੰਦੀ ਦੇ ਮੈਂਬਰ ਅਤੇ ਪੰਜਾਬ ਦੇ ਜਨਰਲ ਸਕੱਤਰ ਪੰਜਾਬ ਸ਼ੀਸ਼ਨ ਕੁਮਾਰ ਵੱਲੋਂ ਪੁੱਡਾ ਦਫ਼ਤਰ ਅੱਗੇ 21 ਮਈ ਤੋਂ ਲਗਾਤਾਰ ਪੰਜ ਮੈਂਬਰ ਅਣਮਿਥੇ ਸਮੇਂ ਲਈ ਭੁੱਖ ਹੜਤਾਲ ’ਤੇ ਬੈਠ ਗਏ ਸਨ ਜਿਨ੍ਹਾਂ ਵਿਚ ਰਾਹੁਲ ਸਿੰਘ, ਪੁਸ਼ਪਿੰਦਰਪਾਲ, ਚੇਤਨ ਸਿੰਘ, ਸੋਨੂ ਤੇ ਰਾਜੇਸ਼ ਕੁਮਾਰ ਹਨ। ਅੱਜ ਪੁੱਡਾ ਅਧਿਕਾਰੀਆਂ ਨੇ ਮੀਟਿੰਗ ਕਰਕੇ ਬੋਨਸ ਖਾਤਿਆਂ ਵਿਚ ਪਾ ਦਿੱਤਾ, ਇਕ ਮਹੀਨੇ ਦੀ ਤਨਖ਼ਾਹ ਦੇ ਦਿੱਤੀ ਤੇ ਬਾਕੀ ਮੰਗਾਂ ਬਾਰੇ ਕਮੇਟੀ ਬਣਾ ਦਿੱਤੀ ਹੈ।