ਸਾਹਨੀ ਨੂੰ ਹਾਰਵਰਡ ਯੂਨੀਵਰਸਿਟੀ ਵੱਲੋਂ ਪਬਲਿਕ ਲੀਡਰਸ਼ਿਪ ਪ੍ਰਮਾਣ ਪੱਤਰ

ਪੱਤਰ ਪ੍ਰੇਰਕ
ਨਵੀਂ ਦਿੱਲੀ, 16 ਅਪਰੈਲ
ਰਾਜ ਸਭਾ ਮੈਂਬਰ ਡਾ. ਵਿਕਰਮਜੀਤ ਸਿੰਘ ਸਾਹਨੀ ਨੂੰ ਵੱਕਾਰੀ ਹਾਰਵਰਡ ਯੂਨੀਵਰਸਿਟੀ ਵੱਲੋਂ ਪਬਲਿਕ ਲੀਡਰਸ਼ਿਪ ਪ੍ਰਮਾਣ ਪੱਤਰ ਨਾਲ ਸਨਮਾਨਿਤ ਕੀਤਾ ਗਿਆ ਹੈ। ਡਾ. ਸਾਹਨੀ ਨੇ ਇੱਕ ਸਾਲ ਵਿੱਚ ਪਬਲਿਕ ਲੀਡਰਸ਼ਿਪ ਦੇ ਛੇ ਕੋਰਸ ਅਤੇ ਕੈਪਸਟੋਨ ਅਸਾਈਨਮੈਂਟਾਂ ਪੂਰੀਆਂ ਕੀਤੀਆਂ। ਸਾਹਨੀ ਨੇ ਕਿਹਾ ਕਿ ਉਹ ਹਾਰਵਰਡ ਤੋਂ ਇਹ ਸਰਟੀਫਿਕੇਟ ਪ੍ਰਾਪਤ ਕਰਨ ਲਈ ਬਹੁਤ ਉਤਸ਼ਾਹਿਤ ਹਨ। ਹਾਰਵਰਡ ਵਿੱਚ ਉਨ੍ਹਾਂ ਨੇ ਜੋ ਕੋਰਸ ਕੀਤੇ ਹਨ, ਉਹ ਜਨਤਕ ਸੇਵਕ ਵਜੋਂ ਆਪਣੇ ਫਰਜ਼ਾਂ ਨੂੰ ਸਕਾਰਾਤਮਕ ਢੰਗ ਨਾਲ ਨਿਭਾਉਣ ਵਿੱਚ ਮਦਦ ਕਰਨਗੇ। ਇਹ ਜ਼ਿੰਦਗੀ ਵਿੱਚ ਅੱਗੇ ਜਾ ਕੇ ਸਹਾਈ ਸਾਬਤ ਹੋਣਗੇ। ਸਾਹਨੀ ਹਾਰਵਰਡ ਯੂਨੀਵਰਸਿਟੀ ਦੀ ਅਲੂਮਨੀ ਐਸੋਸੀਏਸ਼ਨ ਦੇ ਜੀਵਨ ਭਰ ਦੇ ਮੈਂਬਰ ਬਣ ਗਏ ਹਨ।