Protest in London: ਬ੍ਰਿਟਿਸ਼ ਹਿੰਦੂਆਂ ਵੱਲੋਂ Oxford Union ਦੇ ਬਾਹਰ ਪ੍ਰਦਰਸ਼ਨ

ਲੰਡਨ [ਯੂਕੇ], 15 ਨਵੰਬਰ

Protest in London: ਯੂਕੇ ਵਿੱਚ ਬ੍ਰਿਟਿਸ਼ ਹਿੰਦੂਆਂ ਅਤੇ ਭਾਰਤੀਆਂ ਦੀ ਇੱਕ ਸਮਾਜਿਕ ਲਹਿਰ ਇਨਸਾਈਟ ਯੂਕੇ ਨੇ ਸ਼ੁੱਕਰਵਾਰ ਨੂੰ ਆਕਸਫੋਰਡ ਯੂਨੀਵਰਸਿਟੀ ਦੀ ਬਹਿਸ ਕਰਨ ਵਾਲੀ ਸੁਸਾਇਟੀ ਆਕਸਫੋਰਡ ਯੂਨੀਅਨ Oxford Union ਦੇ ਸਾਹਮਣੇ ਵਿਰੋਧ ਪ੍ਰਦਰਸ਼ਨ ਕੀਤਾ ਅਤੇ ਨਾਅਰੇਬਾਜ਼ੀ ਕੀਤੀ। ਜ਼ਿਕਰਯੋਗ ਹੈ ਕਿ ਸੁਸਾਇਟੀ ਨੇ "ਇਹ ਸਦਨ ਕਸ਼ਮੀਰ ਦੇ ਸੁਤੰਤਰ ਰਾਜ ਵਿੱਚ ਵਿਸ਼ਵਾਸ ਕਰਦਾ ਹੈ" ("This House Believes in the Independent State of Kashmir.") ਸਿਰਲੇਖ ਵਾਲੀ ਬਹਿਸ ਦੀ ਮੇਜ਼ਬਾਨੀ ਕੀਤੀ ਸੀ। ਪ੍ਰਦਰਸ਼ਨਕਾਰੀਆਂ ਨੇ ਅਤਿਵਾਦ ਨਾਲ ਕਥਿਤ ਸਬੰਧਾਂ ਵਾਲੇ ਬੁਲਾਰਿਆਂ ਨਾਲ ਬਹਿਸ ਦੀ ਮੇਜ਼ਬਾਨੀ ਦੀ ਨਿੰਦਾ ਕਰਦਿਆਂ ਨਾਅਰੇਬਾਜ਼ੀ ਕੀਤੀ ਹੈ।
ਆਕਸਫੋਰਡ ਯੂਨੀਅਨ ਦੇ ਬਾਹਰ ਪ੍ਰਦਰਸ਼ਨ ਦੌਰਾਨ ਬੈਨਰ ਫੜੇ ਵਿਦਿਆਰਥੀਆਂ ਨੇ ਹਿੰਦੀ ਵਿਚ "ਭਾਰਤ ਮਾਤਾ ਦੀ ਜੈ, ਵੰਦੇ ਮਾਤਰਮ" ਦੇ ਨਾਅਰੇ ਲਗਾਏ ਅਤੇ INSIGHT UK ਨੇ ਵਿਰੋਧ ਪ੍ਰਦਰਸ਼ਨ ਦੀ ਪੋਸਟ ਸਾਂਝੀ ਕਰਦਿਆਂ ਲਿਖਿਆ, "ਜੰਮੂ ਕਸ਼ਮੀਰ ਭਾਰਤ ਸੀ, ਜੰਮੂ ਕਸ਼ਮੀਰ ਭਾਰਤ ਹੈ, ਜੰਮੂ ਕਸ਼ਮੀਰ ਭਾਰਤ ਹੋਵੇਗਾ।"

ਜ਼ਿਕਰਯੋਗ ਹੈ ਕਿ ਵੀਰਵਾਰ ਨੂੰ ਇਨਸਾਈਟ ਯੂਕੇ ਨੇ ਆਕਸਫੋਰਡ ਯੂਨੀਅਨ(Oxford Union) ਸੋਸਾਇਟੀ ਨੂੰ ਇੱਕ ਰਸਮੀ ਪੱਤਰ ਭੇਜਿਆ ਹੈ ਜਿਸ ਵਿੱਚ "ਇਹ ਸਦਨ ਕਸ਼ਮੀਰ ਵਿੱਚ ਸੁਤੰਤਰ ਰਾਜ ਵਿੱਚ ਵਿਸ਼ਵਾਸ ਕਰਦਾ ਹੈ" ਸਿਰਲੇਖ ਵਾਲੀ ਬਹਿਸ ਦੀ ਮੇਜ਼ਬਾਨੀ ਕਰਨ ਦੇ ਫੈਸਲੇ ’ਤੇ ਚਿੰਤਾ ਪ੍ਰਗਟ ਕੀਤੀ ਹੈ। ਬਹਿਸ ਵਿਚ ਅਤਿਵਾਦ ਨਾਲ ਕਥਿਤ ਸਬੰਧਾਂ ਵਾਲੇ ਬੁਲਾਰਿਆਂ ਨੂੰ ਸ਼ਾਮਲ ਕਰਨ ਬਾਰੇ ਸਵਾਲ ਉਠਾਏ ਗਏ ਹਨ।

ਆਪਣੇ ਪੱਤਰ ਵਿੱਚ ਯੂਕੇ ਵਿੱਚ ਬ੍ਰਿਟਿਸ਼ ਹਿੰਦੂ ਅਤੇ ਭਾਰਤੀ ਭਾਈਚਾਰੇ ਨੂੰ ਪ੍ਰਭਾਵਿਤ ਕਰਨ ਵਾਲੇ ਮੁੱਦਿਆਂ ’ਤੇ ਕੰਮ ਕਰਨ ਵਾਲੇ ਸਮਾਜਿਕ ਅੰਦੋਲਨ ਨੇ ਕਿਹਾ ਕਿ ਪ੍ਰਸਤਾਵ ਦੇ ਸਮਰਥਨ ਵਿੱਚ ਦੋ ਬੁਲਾਏ ਬੁਲਾਰਿਆਂ ਮੁਜ਼ੱਮਿਲ ਅਯੂਬ ਠਾਕੁਰ ਅਤੇ ਜ਼ਫਰ ਖਾਨ ਦੇ ਹਿੰਸਕ ਕੱਟੜਵਾਦ ਅਤੇ ਅਤਿਵਾਦ ਨਾਲ ਜੁੜੇ ਸਮੂਹਾਂ ਨਾਲ ਉਨ੍ਹਾਂ ਦੇ ਕਥਿਤ ਸਬੰਧਾਂ ਲਈ ਆਲੋਚਨਾ ਕੀਤੀ ਗਈ ਸੀ।

ਉਨ੍ਹਾਂ ਨੇ ਦੱਸਿਆ ਕਿ ਮੁਜ਼ੱਮਿਲ ਅਯੂਬ ਠਾਕੁਰ ’ਤੇ ਅਤਿਵਾਦ ਨਾਲ ਸਬੰਧਾਂ ਦੀ ਜਾਂਚ ਅਧੀਨ ਸੰਗਠਨਾਂ ਨਾਲ ਸਬੰਧਾਂ ਦੇ ਨਾਲ ਭੜਕਾਉਣ ਅਤੇ ਨਫ਼ਰਤ ਭਰੇ ਭਾਸ਼ਣ ਦਾ ਦੋਸ਼ ਲਗਾਇਆ ਗਿਆ ਸੀ। ਇਨਸਾਈਟ ਯੂਕੇ ਨੇ ਠਾਕੁਰ ਅਤੇ ਉਸਦੀ ਸੰਸਥਾ "ਵਿਸ਼ਵ ਕਸ਼ਮੀਰ ਸੁਤੰਤਰਤਾ ਅੰਦੋਲਨ" ਦੇ ਪਿਛੋਕੜ ਬਾਰੇ ਵੀ ਦੱਸਿਆ, ਜਿੱਥੇ ਉਹ ਪ੍ਰਧਾਨ ਹੈ।

ਦੋਵਾਂ ਸੰਸਥਾਵਾਂ ਦੀ ਕਥਿਤ ਤੌਰ ’ਤੇ ਯੂਕੇ ਦੇ ਸਕਾਟਲੈਂਡ ਯਾਰਡ ਚੈਰਿਟੀ ਕਮਿਸ਼ਨ ਅਤੇ ਐਫਬੀਆਈ ਵੱਲੋਂ ਅੱਤਵਾਦੀ ਗਤੀਵਿਧੀਆਂ ਨਾਲ ਉਨ੍ਹਾਂ ਦੇ ਸ਼ੱਕੀ ਸਬੰਧਾਂ ਲਈ ਜਾਂਚ ਕੀਤੀ ਗਈ ਹੈ। ਮੁਜ਼ੱਮਿਲ ਅਯੂਬ ਅਕਸਰ ਨਫ਼ਰਤ ਭਰੇ ਦਿੰਦਾ ਹੈ। ਸੋਸ਼ਲ ਮੀਡੀਆ ਦੀ ਵਰਤੋਂ ਕਰਕੇ ਲੋਕਾਂ ਵਿੱਚ ਡਰ ਅਤੇ ਅਲਾਰਮ ਪੈਦਾ ਕਰਨ ਅਤੇ ਉਨ੍ਹਾਂ ਨੂੰ ਜਨਤਕ ਵਿਵਸਥਾ ਨੂੰ ਵਿਗਾੜਨ ਦੇ ਸੰਭਾਵਿਤ ਅਪਰਾਧ ਕਰਨ ਲਈ ਉਕਸਾਉਣ ਲਈ ਉਸ ਵਿਰੁੱਧ ਇੱਕ ਕੇਸ ਦਰਜ ਕੀਤਾ ਗਿਆ ਹੈ। ਏਐੱਨਆਈ