ਪੰਜਾਬੀ ਫ਼ਿਲਮ ‘ਮਜਨੂੰ’ ਦੀ ਟੀਮ ਵੱਲੋਂ ਪ੍ਰਚਾਰ

ਪੱਤਰ ਪ੍ਰੇਰਕ
ਅਟਾਰੀ, 18 ਮਾਰਚ
ਪੰਜਾਬੀ ਫ਼ੀਚਰ ਫ਼ਿਲਮ ‘ਮਜਨੂੰ’ ਦੀ ਸਟਾਰਕਾਸਟ ਨੇ ਅਟਾਰੀ ਸਰਹੱਦ ’ਤੇ ਪ੍ਰੋਮੋਸ਼ਨ ਕੀਤੀ ਅਤੇ ਇਸ ਮੌਕੇ ਫ਼ਿਲਮ ਦੇ ਅਦਾਕਾਰਾਂ ਨੇ ਅਟਾਰੀ-ਵਾਹਗਾ ਸਰਹੱਦ ’ਤੇ ਦੋਵਾਂ ਮੁਲਕਾਂ ਦੀਆਂ ਸਰਹੱਦੀ ਸੁਰੱਖਿਆ ਫੋਰਸਾਂ, ਸੀਮਾ ਸੁਰੱਖਿਆ ਬਲ ਅਤੇ ਪਾਕਿਸਤਾਨੀ ਰੇਂਜਰਾਂ ਵਿਚਕਾਰ ਝੰਡਾ ਉਤਾਰਨ ਦੀ ਰਸਮ ਵੀ ਵੇਖੀ। ਇਸ ਮੌਕੇ ਅਦਾਕਾਰ ਪ੍ਰੀਤ ਬਾਠ, ਅਦਾਕਾਰਾ ਕਿਰਨ ਸ਼ੇਰਗਿੱਲ, ਅਦਾਕਾਰ ਸ਼ਿਵੰਦਰ ਮਾਹਲ, ਮਲਕੀਤ ਰੌਣੀ, ਗੁਰਮੀਤ ਸਿੰਘ ਸੰਗੀਤ ਨਿਰਦੇਸ਼ਕ, ਸੁਜ਼ਾਦ ਇਕਬਾਲ ਖਾਨ ਡਾਇਰੈਕਟਰ, ਸਿਮਰਨ ਭਾਰਦਵਾਜ ਗਾਇਕ, ਨਿਮੇਸ਼ ਕੁਮਾਰ ਵਾਹੀ ਅਤੇ ਅਰੁਣ ਮਾਹਲ ਪ੍ਰੋਟੋਕੋਲ ਅਫ਼ਸਰ ਅਟਾਰੀ ਸਰਹੱਦ ਹਾਜ਼ਰ ਸਨ। ਇਸ ਮੌਕੇ ਉਨ੍ਹਾਂ ਸਟੇਡੀਅਮ, ਅਜਾਇਬਘਰ, ਬਾਰਡਰ ਪਿੱਲਰ ਨੰਬਰ 102 ਵੇਖਿਆ ਅਤੇ ਯਾਦਗਾਰੀ ਤਸਵੀਰਾਂ ਖਿਚਵਾਈਆਂ।