ਪ੍ਰੋਫੈਸ਼ਨਲ ਆਰਚਰੀ ਕਲੱਬ ਮੂਨਕ ਨੇ ਜਿੱਤੇ 14 ਤਗ਼ਮੇ

ਕਰਮਵੀਰ ਸਿੰਘ ਸੈਣੀ
ਮੂਨਕ, 11 ਨਵੰਬਰ
ਪੰਜਾਬੀ ਯੂਨੀਵਰਸਿਟੀ ਪਟਿਆਲਾ ਵਿੱਚ ਚੱਲ ਰਹੀਆਂ ਖੇਡਾਂ ਵਤਨ ਪੰਜਾਬ ਦੀਆਂ ਸੀਜ਼ਨ-3 ਵਿਚ ਪ੍ਰੋਫੈਸ਼ਨਲ ਆਰਚਰੀ ਕਲੱਬ ਨੇ ਸੂਬਾ ਪੱਧਰੀ ਟੂਰਨਾਮੈਂਟ ਵਿੱਚ ਕੁੱਲ 14 ਤਗ਼ਮੇ ਜਿੱਤੇ। ਇਸ ਦੌਰਾਨ ਬੇਅੰਤ ਕੌਰ ਪਟਵਾਰੀ, ਗਗਨਦੀਪ ਕੌਰ, ਸੀਮਾ ਸਿੰਗਲਾ ਲਹਿਰਾ, ਅਰਬਾਜ਼ ਖਾਨ, ਅਮੀਰ ਖਾਨ, ਵਿਕਰਮ ਸੈਣੀ ਅਤੇ ਸੰਜੀਵ ਬੋਪੁਰ ਨੇ ਇੱਕ-ਇੱਕ ਸੋਨ ਤਗ਼ਮਾ ਜਿੱਤਿਆ, ਜਦੋਂਕਿ ਅੰਜੂ ਮੂਨਕ ਨੇ ਇੱਕ ਸੋਨਾ ਤੇ ਦੋ ਚਾਂਦੀ ਅਤੇ ਪ੍ਰਿਥੀ ਸੈਣੀ ਨੇ ਦੋ ਸੋਨ ਤਗ਼ਮੇ ਅਤੇ ਰਵੀ ਸੈਣੀ ਨੇ ਇੱਕ ਸੋਨਾ ਤੇ ਇੱਕ ਚਾਂਦੀ ਦਾ ਤਗ਼ਮਾ ਆਪਣੇ ਨਾਮ ਕੀਤਾ ਹੈ।
ਆਰਚਰੀ ਕਲੱਬ ਮੂਣਕ ਦੇ ਚੇਅਰਪਰਸਨ ਵਿਕਰਮ ਸੈਣੀ ਨੇ ਦੱਸਿਆ ਕਿ ਇਹ ਸੈਂਟਰ ਪੰਜਾਬੀ ਯੂਨੀਵਰਸਿਟੀ ਕਾਲਜ ਮੂਨਕ ਦੇ ਗਰਾਊਂਡ ਵਿੱਚ ਚੱਲ ਰਿਹਾ ਹੈ। ਉਨ੍ਹਾਂ ਪ੍ਰਿੰਸੀਪਲ ਰਜਿੰਦਰ ਸਿੰਘ ਅਤੇ ਪ੍ਰੋਫੈਸਰ ਗੁਰਜੰਟ ਸਿੰਘ ਦਾ ਧੰਨਵਾਦ ਕੀਤਾ। ਮੂਨਕ ਪਹੁੰਚਣ ’ਤੇ ਖਿਡਾਰੀਆਂ ਦਾ ਸਵਾਗਤ ਕੀਤਾ ਗਿਆ। ਇਸ ਮੌਕੇ ਪ੍ਰਦੀਪ ਗਰਗ ਸ਼ੈਂਟੂ ਬਾਬੂ, ਸੋਨੀ ਚੇਅਰਮੈਨ ਹਮੀਰਗੜ੍ਹ, ਮਾਸਟਰ ਪ੍ਰਵੀਨ ਅਰੋੜਾ, ਅਪੂ ਬਾਂਸਲ ਸ਼ਿਵ ਸ਼ਕਤੀ ਰਾਈਸ ਮਿੱਲ ਅਤੇ ਪੰਕਜ ਜੈਨ ਮੌਜੂਦ ਸਨ।