ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਅਮਰੀਕਾ ਫੇਰੀ ਦੋਵਾਂ ਮੁਲਕਾਂ ਦੇ ਰਿਸ਼ਤਿਆਂ ’ਚ ‘ਨਵੇਂ ਅਧਿਆਏ’ ਦੀ ਸ਼ੁਰੂਆਤ: ਗਾਰਸੇਟੀ

ਵਾਸ਼ਿੰਗਟਨ, 25 ਜੂਨ

ਭਾਰਤ ਵਿੱਚ ਅਮਰੀਕਾ ਦੇ ਰਾਜਦੂਤ ਐਰਿਕ ਗਾਰਸੇਟੀ ਨੇ ਕਿਹਾ ਕਿ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਅਮਰੀਕਾ ਫੇਰੀ ਦੋਵਾਂ ਮੁਲਕਾਂ ਦੇ ਰਿਸ਼ਤਿਆਂ ਵਿੱਚ ਇੱਕ ਨਵੇਂ ਦਲੇਰਾਨਾ ਅਧਿਆਏ ਦੀ ਸ਼ੁਰੂਆਤ ਵਜੋਂ ਇਤਿਹਾਸ ਵਿੱਚ ਦਰਜ ਹੋਵੇਗੀ। ਉਨ੍ਹਾਂ ਕਿਹਾ ਕਿ ਇਹ ਦੋਵਾਂ ਮੁਲਕਾਂ ਦਰਮਿਆਨ ਸਿਰਫ਼ ਇੱਕ ਰਿਸ਼ਤੇ ਤੋਂ ਵੀ ਵੱਧ ਹੈ ਅਤੇ ‘ਇਹ ਇੱਕ ਸੱਚੀ ਅਤੇ ਡੂੰਘੀ ਦੋਸਤੀ ਹੈ।’ ਗਾਰਸੇਟੀ ਨੇ ਕਿਹਾ ਕਿ ਅਮਰੀਕਾ ਦੀ ਫੇਰੀ ਦੌਰਾਨ ਰਾਸ਼ਟਰਪਤੀ ਬਾਇਡਨ ਅਤੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਲਗਪਗ ਛੇ ਜਾਂ ਸੱਤ ਮੌਕਿਆਂ ‘ਤੇ ਇਕੱਠੇ ਹੋਏ ਅਤੇ ‘ਪਹਿਲੀ ਮੁਲਾਕਾਤ ਤੋਂ ਲੈ ਕੇ ਆਖਰੀ ਤੱਕ, ਉਤਸ਼ਾਹ ਅਤੇ ਗਰਮਜੋਸ਼ੀ ਇੱਕੋ ਜਿਹੀ ਸੀ।” -ਪੀਟੀਆਈ