ਰਾਸ਼ਟਰਪਤੀ ਦਾ ਤਿੰਨ ਰੋਜ਼ਾ ਮਹਾਰਾਸ਼ਟਰ ਦੌਰਾ ਅੱਜ ਤੋਂ

ਨਵੀਂ ਦਿੱਲੀ: ਰਾਸ਼ਟਰਪਤੀ ਦਰੋਪਦੀ ਮੁਰਮੂ ਕਈ ਪ੍ਰੋਗਰਾਮਾਂ ’ਚ ਹਿੱਸਾ ਲੈਣ ਲਈ 2 ਸਤੰਬਰ ਤੋਂ ਤਿੰਨ ਦਿਨਾਂ ਲਈ ਮਹਾਰਾਸ਼ਟਰ ਦਾ ਦੌਰਾ ਕਰਨਗੇ। ਇਸ ਸਬੰਧੀ ਜਾਰੀ ਬਿਆਨ ’ਚ ਕਿਹਾ ਗਿਆ ਹੈ ਕਿ ਉਹ 2 ਸਤੰਬਰ ਨੂੰ ਕੋਲ੍ਹਾਪੁਰ ’ਚ ਸ੍ਰੀ ਵਰਨ ਵਿਮੈਨ ਕੋਆਪਰੇਟਿਵ ਗਰੁੱਪ ਦੇ ਗੋਲਡਨ ਜੁਬਲੀ ਸਮਾਗਮ ’ਚ ਹਿੱਸਾ ਲੈਣਗੇ। 3 ਸਤੰਬਰ ਨੂੰ ਉਹ ਪੁਣੇ ’ਚ ਸਿੰਬੋਇਸਿਸ ਇੰਟਰਨੈਸ਼ਨਲ ਯੂਨੀਵਰਸਿਟੀ ਦੀ 21ਵੀਂ ਕਾਨਵੋਕੇਸ਼ਨ ਤੇ ਮੁਬੰਈ ਵਿੱਚ ਮਹਾਰਾਸ਼ਟਰ ਵਿਧਾਨ ਕੌਂਸਲ ਦੇ ਸਮਾਗਮ ’ਚ ਸ਼ਾਮਲ ਹੋਣਗੇ। 4 ਸਤੰਬਰ ਨੂੰ ਲਾਤੁੂਰ ’ਚ ਬੁੱਧਾ ਵਿਹਾਰ ਦਾ ਉਦਘਾਟਨ ਕਰਨਗੇ। -ਪੀਟੀਆਈ