ਸੀਪੀਆਈ ਵੱਲੋਂ ਤਿੰਨ ਰੋਜ਼ਾ ਪਾਰਟੀ ਸਮਾਗਮ ਦੀ ਤਿਆਰੀ

ਪੱਤਰ ਪ੍ਰੇਰਕ
ਮਹਿਲ ਕਲਾਂ, 16 ਨਵੰਬਰ
ਸੀਪੀਆਈ (ਐੱਮਐਲ) ਰੈੱਡ ਸਟਾਰ ਵੱਲੋਂ ਬਰਨਾਲਾ ਵਿੱਚ 22 ਤੋਂ 24 ਨਵੰਬਰ ਤੱਕ ਕੀਤੇ ਜਾ ਰਹੇ ਪਾਰਟੀ ਪਲੈਨਮ ਦੀ ਤਿਆਰੀ ਲਈ ਮਹਿਲ ਕਲਾਂ ਵਿਚ ਕੀਤੀ ਇਕੱਤਰਤਾ ਵਿੱਚ ਪਲੈਨਮ ਨੂੰ ਸਫਲ ਬਨਾਉਣ ਦੀ ਯੋਜਨਾਬੰਧੀ ਉਲੀਕੀ ਗਈ। ਸੂਬਾ ਸਕੱਤਰ ਕਾਮਰੇਡ ਲਾਭ ਸਿੰਘ ਅਕਲੀਆ ਅਤੇ ਪਾਰਟੀ ਦੇ ਪੋਲਿਟ ਬਿਊਰੋ ਮੈਂਬਰ ਕਾਮਰੇਡ ਤੁਹਿਨ ਦੇਵ ਨੇ ਦੱਸਿਆ ਕਿ ਇਹ ਪਲੈਨਮ ਤਰਕਸ਼ੀਲ ਭਵਨ ਬਰਨਾਲਾ ਵਿਖੇ ‘ਸ਼ਹੀਦ ਬੇਅੰਤ ਸਿੰਘ ਮੂੰਮ ਹਾਲ’ ਅਤੇ ‘ਲੋਕ ਕਵੀ ਸੰਤ ਰਾਮ ਉਦਾਸੀ ਨਗਰ’ ਵਿੱਚ ਕੀਤਾ ਜਾ ਰਿਹਾ ਹੈ।