ਪ੍ਰੀਮਿਅਰ ਲੀਗ: ਦਾੜਲਾਘਾਟ ਤੇ ਗਾਗਲ ਵਿਚਾਲੇ ਹੋਵੇਗਾ ਫਾਈਨਲ ਮੁਕਾਬਲਾ

ਪੱਤਰ ਪ੍ਰੇਰਕ
ਘਨੌਲੀ, 12 ਅਪਰੈਲ
ਇੱਥੇ ਅੰਬੂਜਾ ਸੀਮਿੰਟ ਯੂਨਿਟ ਰੂਪਨਗਰ ਦੇ ਖੇਡ ਮੈਦਾਨ ਵਿੱਚ ਚੱਲ ਰਹੇ ਉੱਤਰ ਭਾਰਤੀ ਅਡਾਨੀ ਪ੍ਰੀ‌ਮਿਅਰ ਲੀਗ ਦਾ ਫਾਈਨਲ ਮੁਕਾਬਲਾ ਗਾਗਲ ਤੇ ਦਾੜਲਾਘਾਟ ਦੀਆਂ ਟੀਮਾਂ ਵਿਚਕਾਰ ਹੋਵੇਗਾ। ਮੈਨੇਜਰ ਕਾਰਪੋਰੇਟ ਮਾਮਲੇ ਸਤੀਸ਼ ਰਾਣਾ ਨੇ ਦੱਸਿਆ ਕਿ ਅੱਜ ਹੋਏ ਸੈਮੀਫਾਈਨਲ ਮੁਕਾਬਲਿਆਂ ਦੌਰਾਨ ਦਾੜਲਾਘਾਟ ਦੀ ਟੀਮ ਨੇ ਮੇਜ਼ਬਾਨ ਰੂਪਨਗਰ ਦੀ ਟੀਮ ਨੂੰ ਹਰਾਇਆ ਤੇ ਇਸ ਮੈਚ ਦਾ ਮਦਨ ਲਾਲ ਨੂੰ ਵਧੀਆ ਖਿਡਾਰੀ ਐਲਾਨਿਆ ਗਿਆ। ਦੂਜਾ ਸੈਮੀਫਾਈਨਲ ਮੈਚ ਗਾਗਲ ਤੇ ਏਸ਼ੀਅਨ ਨਾਲਾਗੜ੍ਹ ਦੀਆਂ ਟੀਮਾਂ ਵਿਚਕਾਰ ਹੋਇਆ, ਜਿਸ ਦੌਰਾਨ ਗਾਗਲ ਦੀ ਟੀਮ ਜੇਤੂ ਰਹੀ। ਉਨ੍ਹਾਂ ਦੱਸਿਆ ਕਿ ਫਾਈਨਲ ਮੁਕਾਬਲਾ 13 ਅਪਰੈਲ ਨੂੰ 2 ਵਜੇ ਦਾੜਲਾਘਾਟ ਤੇ ਗਾਗਲ ਦੀਆਂ ਟੀਮਾਂ ਵਿਚਕਾਰ ਹੋਵੇਗਾ ਤੇ ਜੇਤੂ ਖਿਡਾਰੀਆਂ ਨੂੰ ਇਨਾਮਾਂ ਦੀ ਵੰਡ ਮੁਕੇਸ਼ ਸਕਸੈਨਾ ਸੀਐੱਮਓ ਉੱਤਰੀ ਭਾਰਤ ਦੁਆਰਾ ਕੀਤੀ ਜਾਵੇਗੀ। ਇਸ ਦੌਰਾਨ ਸੱਭਿਆਚਾਰਕ ਪ੍ਰੋਗਰਾਮ ਵੀ ਪੇਸ਼ ਕੀਤਾ ਜਾਵੇਗਾ।