ਪ੍ਰਭਜੋਤ ਸਿੰਘ ਭਾਰਤੀ ਸੈਨਾ ਵਿੱਚ ਲੈਫਟੀਨੈਂਟ ਬਣਿਆ

ਅੰਬਾਲਾ: ਸਖ਼ਤ ਮਿਹਨਤ ਅਤੇ ਲਗਨ ਦੇ ਦਮ ’ਤੇ ਅੰਬਾਲਾ ਕੈਂਟ ਦੇ ਸ਼ਾਮ ਨਗਰ ਦਾ ਪ੍ਰਭਜੋਤ ਸਿੰਘ ਭਾਰਤੀ ਸੈਨਾ ਵਿੱਚ ਲੈਫਟੀਨੈਂਟ ਬਣ ਗਿਆ ਹੈ। ਉਸ ਨੂੰ ਆਫੀਸਰ ਟਰੇਨਿੰਗ ਅਕੈਡਮੀ ਗਇਆ (ਬਿਹਾਰ) ਵਿੱਚ 9 ਦਸੰਬਰ ਨੂੰ ਕਮਿਸ਼ਨ ਮਿਲਿਆ ਹੈ ਜਿੱਥੇ ਉਸ ਦੀ ਸਪੈਸ਼ਲ ਕਮਿਸ਼ਨਡ ਅਧਿਕਾਰੀ ਵਜੋਂ ਟਰੇਨਿੰਗ ਹੋਈ ਹੈ। ਹੁਣ ਉਹ 11 ਮਰਾਠਾ ਲਾਈਟ ਇਨਫੈਂਟਰੀ ਵਿਚ ਬਤੌਰ ਲੈਫਟੀਨੈਂਟ ਆਪਣੀਆਂ ਸੇਵਾਵਾਂ ਦੇਵੇਗਾ। ਕਮਿਸ਼ਨ ਮਿਲਣ ਸਮੇਂ ਉਨ੍ਹਾਂ ਦੀ ਮਾਤਾ ਬਲਵੰਤ ਕੌਰ ਅਤੇ ਪਤਨੀ ਗੁਰਪ੍ਰੀਤ ਕੌਰ ਵੀ ਮੌਜੂਦ ਸਨ। ਪ੍ਰਭਜੋਤ ਦਾ ਕਹਿਣਾ ਹੈ ਕਿ ਉਸ ਨੂੰ ਸੈਨਾ ਅਧਿਕਾਰੀ ਬਣਨ ਦੀ ਪ੍ਰੇਰਨਾ ਉਸ ਦੇ ਭਰਾ ਸ਼ਹੀਦ ਕੈਪਟਨ ਇੰਦਰਜੀਤ ਤੋਂ ਮਿਲੀ ਸੀ। -ਨਿੱਜੀ ਪੱਤਰ ਪ੍ਰੇਰਕ