ਚੈੜੀਆਂ ਦੇ ਕਬੱਡੀ ਕੱਪ ਦਾ ਪੋਸਟਰ ਜਾਰੀ

ਰੂਪਨਗਰ:

ਪਿੰਡ ਚੈੜੀਆਂ ਦੇ ਯੂਥ ਵੈੱਲਫੇਅਰ ਕਲੱਬ ਅਤੇ ਸ਼ਹੀਦ ਭਗਤ ਸਿੰਘ ਯੂਥ ਕਲੱਬ ਤੇ ਗਰਾਮ ਪੰਚਾਇਤ ਵੱਲੋਂ 22 ਤੋਂ 24 ਨਵੰਬਰ ਪਿੰਡ ਚੈੜੀਆਂ ਵਿੱਚ ਕਰਵਾਏ ਜਾ ਰਹੇ 31ਵੇਂ ਕਬੱਡੀ ਦਾ ਪੋਸਟਰ ਜਾਰੀ ਕੀਤਾ ਗਿਆ। ਸਹਿਕਾਰੀ ਸਭਾ ਚੈੜੀਆਂ ਦੇ ਪ੍ਰਧਾਨ ਸੁਰਿੰਦਰ ਸਿੰਘ ਉਰਫ ਬੁੱਗਾ ਚੈੜੀਆਂ ਨੇ ਦੱਸਿਆ ਕਿ ਕਬੱਡੀ ਕੱਪ ਲਈ ਮੁੱਖ ਸਪਾਂਸਰ ਸੁਖਵੀਰ ਸਿੰਘ ਯੂਐੱਸਏ ਤੋਂ ਇਲਾਵਾ ਪੰਡਿਤ ਪ੍ਰਦੀਪ ਕੁਮਾਰ ਸ਼ਰਮਾ ਕੈਨੇਡਾ, ਗੁਰਮੀਤ ਸਿੰਘ ਯੂਐੱਸਏ, ਗੁਰਿੰਦਰ ਸਿੰਘ ਯੂਐੱਸਏ, ਗੁਰਿੰਦਰ ਸਿੰਘ ਇਟਲੀ ਤੇ ਜਸਵੀਰ ਖਾਨ ਯੂਕੇ ਆਦਿ ਸਣੇ ਹੋਰ ਪਰਵਾਸੀ ਸਹਿਯੋਗ ਦੇ ਰਹੇ ਹਨ। ਕਬੱਡੀ ਕੱਪ ਦੌਰਾਨ ਜੇਤੂ ਰਹਿਣ ਵਾਲੀ ਟੀਮ ਨੂੰ ਪ੍ਰਬੰਧਕਾਂ ਵੱਲੋਂ 1 ਲੱਖ ਰੁਪਏ ਅਤੇ ਉਪ ਜੇਤੂ ਟੀਮ ਨੂੰ 75 ਹਜ਼ਾਰ ਰੁਪਏ ਦਾ ਨਗਦ ਇਨਾਮ ਦਿੱਤਾ ਜਾਵੇਗਾ। ‌ਬੈਸਟ ਰੇਡਰ ਅਤੇ ਬੈਸਟ ਜਾਫੀ ਨੂੰ ਫੋਰਡ ਟਰੈਕਟਰ ਇਨਾਮ ਵਜੋਂ ਦਿੱਤੇ ਜਾਣਗੇ। ਇਸ ਸਮੇਂ ‘ਆਪ’ ਆਗੂ ਬਲਵਿੰਦਰ ਸਿੰਘ, ਨੰਬਰਦਾਰ ਦਰਸ਼ਨ ਸਿੰਘ, ਨੰਬਰਦਾਰ ਜੋਗਿੰਦਰ ਸਿੰਘ, ਨੈਬ ਸਿੰਘ ਅਕਾਲੀ, ਸ਼ੀਤਲ ਸਿੰਘ ਆਦਿ ਹਾਜ਼ਰ ਸਨ। -ਪੱਤਰ ਪ੍ਰੇਰਕ