ਪੰਜਾਬ ’ਚ ਸ਼ਾਮ 5 ਵਜੇ ਤੱਕ 13 ਹਲਕਿਆਂ ਦੀ ਪੋਲਿੰਗ ਸਥਿਤੀ

ਆਤਿਸ਼ ਗੁਪਤਾ
ਚੰਡੀਗੜ੍ਹ, 1 ਜੂਨ
ਪੰਜਾਬ ਵਿੱਚ ਲੋਕ ਸਭਾ ਦੀਆਂ 13 ਸੀਟਾਂ ’ਤੇ ਵੋਟਿੰਗ ਚੱਲ ਰਹੀ ਹੈ। ਚੋਣ ਕਮਿਸ਼ਨ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਸ਼ਾਮ 5 ਵਜੇ ਤੱਕ ਪੰਜਾਬ ਦੀਆਂ ਸਾਰੀਆਂ 13 ਲੋਕ ਸਭਾ ਸੀਟਾਂ ’ਤੇ 55.20 ਫੀਸਦ ਵੋਟਿੰਗ ਹੋਈ ਹੈ। ਇਸ ਦੌਰਾਨ ਬਠਿੰਡਾ ਵਿੱਚ ਸਭ ਤੋਂ ਵੱਧ 59.25 ਫੀਸਦ ਵੋਟਿੰਗ ਹੋਈ ਹੈ। ਇਸ ਤੋਂ ਇਲਾਵਾ ਲੋਕ ਸਭਾ ਹਲਕਾ ਅੰਮ੍ਰਿਤਸਰ ਵਿੱਚ ਵਿੱਚ 48.55 ਫੀਸਦ, ਹੁਸ਼ਿਆਰਪੁਰ ਵਿੱਚ 52.39 ਫੀਸਦ, ਜਲੰਧਰ ਵਿੱਚ 53.66 ਫੀਸਦ, ਖਡੂਰ ਸਾਹਿਬ ਵਿੱਚ 55.90 ਫੀਸਦ, ਲੁਧਿਆਣਾ ਵਿੱਚ 52.22 ਫੀਸਦ, ਪਟਿਆਲਾ ਵਿੱਚ 58.18 ਫੀਸਦ, ਸੰਗਰੂਰ ਵਿੱਚ 57.21 ਫੀਸਦ, ਆਨੰਦਪੁਰ ਸਾਹਿਬ ਵਿੱਚ 55.02 ਫੀਸਦ, ਫਰੀਦਕੋਟ ਵਿੱਚ 54.38 ਫੀਸਦ, ਫਤਿਹਗੜ੍ਹ ਸਾਹਿਬ ਵਿੱਚ 54.55 ਫੀਸਦ, ਫਿਰੋਜ਼ਪੁਰ ਵਿੱਚ 57.68 ਫੀਸਦ ਅਤੇ ਗੁਰਦਾਸਪੁਰ ਵਿੱਚ 58.34 ਫ਼ੀਸਦ ਵੋਟਿੰਗ ਹੋਈ ਹੈ।