ਸਿਆਸੀ ਰਣਨੀਤੀਕਾਰ ਪੀ.ਕੇ.ਡੀ. ਨਾਂਬਿਆਰ ਦਾ ਦੇਹਾਂਤ

ਨਵੀਂ ਦਿੱਲੀ: ਸਿਆਸੀ ਰਣਨੀਤੀਕਾਰ ਤੇ ਉੱਦਮੀ ਪੀ.ਕੇ.ਡੀ. ਨਾਂਬਿਆਰ(47) ਦਾ ਪਿਛਲੇ ਹਫ਼ਤੇ ਦੇਹਾਂਤ ਹੋ ਗਿਆ। ਉਹ ਪਿਛਲੇ ਦੋ ਸਾਲਾਂ ਤੋਂ ਵੀ ਵੱਧ ਸਮੇਂ ਤੋਂ ਕੈਂਸਰ ਦੀ ਬਿਮਾਰੀ ਨਾਲ ਲੜ ਰਹੇ ਸਨ। ਨਾਂਬਿਆਰ ਸਮੂਹ ਦੇ ਚੇਅਰਮੈਨ ਤੇ ਫਲੈਗਜ਼ ਕਮਿਊਨੀਕੇਸ਼ਨਜ਼ ਤੇ ਬੀ ਸਕੁਏਅਰ ਸੌਲਿਊਸ਼ਨਜ਼ ਦੇ ਐੱਮਡੀ ਨਾਂਬਿਆਰ ਨੇ 23 ਫਰਵਰੀ ਨੂੰ 47 ਸਾਲ ਦੀ ਉਮਰ ਵਿਚ ਦਮ ਤੋੜਿਆ। ਨਾਂਬਿਆਰ ਨੇ 20 ਸਾਲ ਦੀ ਉਮਰ ਵਿਚ ਐਂਟਰਪ੍ਰੀਨਿਓਰ ਵਜੋਂ ਆਪਣਾ ਸਫ਼ਰ ਸ਼ੁਰੂ ਕੀਤਾ ਸੀ। ਉਨ੍ਹਾਂ ‘ਯੂ ਟੂ ਕੈਨ ਬੀ ਏ ਬਰਾਂਡ’ ਨਾਂ ਦੀ ਕਿਤਾਬ ਵੀ ਲਿਖੀ। ਉਨ੍ਹਾਂ ਨੂੰ ਲੀਡਰਸ਼ਿਪ, ਨਵੀਆਂ ਕਾਢਾਂ, ਕਾਰੋਬਾਰੀ ਪ੍ਰਤਿਸ਼ਠਾ ਤੇ ਸਮਾਜ ਸੇਵਾ ਲਈ ਕਈ ਪੁਰਸਕਾਰ ਵੀ ਮਿਲੇ। -ਪੀਟੀਆਈ