ਮਸਾਜ ਸੈਂਟਰ ’ਤੇ ਪੁਲੀਸ ਦਾ ਛਾਪਾ, 5 ਕੁੜੀਆਂ ਸਣੇ 10 ਕਾਬੂ

ਪੱਤਰ ਪ੍ਰੇਰਕ
ਯਮੁਨਾਨਗਰ, 23 ਅਕਤੂਬਰ
ਇੱਥੇ ਸੈਕਟਰ-17 ਥਾਣਾ ਪੁਲੀਸ ਨੇ ਜਗਾਧਰੀ ਸਥਿਤ ਸਪਾ ਸੈਂਟਰ ’ਤੇ ਛਾਪਾ ਮਾਰ ਕੇ 5 ਕੁੜੀਆਂ ਸਣੇ 10 ਵਿਅਕਤੀਆਂ ਨੂੰ ਗ੍ਰਿਫਤਾਰ ਕੀਤਾ ਹੈ। ਗੁਪਤ ਸੂਚਨਾ ਦੇ ਆਧਾਰ ’ਤੇ ਪੁਲੀਸ ਨੇ ਬੀਤੀ ਰਾਤ ਇਹ ਕਾਰਵਾਈ ਕੀਤੀ। ਸਪਾ ਸੈਂਟਰ ਵਿੱਚ ਕੰਮ ਕਰਨ ਵਾਲਾ ਵਿਪਨ ਕੁਮਾਰ ਖਿੜਕੀ ਰਾਹੀਂ ਭੱਜਣ ਵਿੱਚ ਕਾਮਯਾਬ ਹੋ ਗਿਆ । ਪੁਲੀਸ ਨੇ ਕੇਸ ਦਰਜ ਕਰਕੇ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ। ਪੁਲੀਸ ਨੂੰ ਪਿਛਲੇ ਕਈ ਦਿਨਾਂ ਤੋਂ ਇੱਥੇ ਮਸਾਜ ਪਾਰਲਰ ਦੀ ਆੜ ਹੇਠ ਜਿਸਮਫਿਰੋਸ਼ੀ ਦਾ ਧੰਦਾ ਕਰਨ ਦੀਆਂ ਸੂਚਨਾਵਾਂ ਮਿਲ ਰਹੀਆਂ ਸਨ। ਸੈਕਟਰ- 17 ਥਾਣਾ ਇੰਚਾਰਜ ਜਸਮੇਰ ਗੁਲੀਆ ਨੇ ਦੱਸਿਆ ਕਿ ਗ੍ਰਿਫ਼ਤਾਰ ਕੀਤੇ ਗਏ ਵਿਅਕਤੀਆਂ ਨੂੰ ਅਦਾਲਤ ਵਿੱਚ ਪੇਸ਼ ਕੀਤਾ ਜਾਵੇਗਾ। ਸਪਾ ਸੈਂਟਰ ਦਾ ਮੁਲਾਜ਼ਮ ਖਿੜਕੀ ਰਾਹੀਂ ਭੱਜਣ ਵਿੱਚ ਕਾਮਯਾਬ ਹੋ ਗਿਆ, ਉਸ ਦੀ ਭਾਲ ਜਾਰੀ ਹੈ ਜਲਦੀ ਹੀ ਉਹ ਵੀ ਕਾਬੂ ਕਰ ਲਿਆ ਜਾਵੇਗਾ।