ਪੁਲੀਸ ਨੇ ਤਿੰਨ ਟਨ ਨਸ਼ੀਲੇ ਪਦਾਰਥ ਕੀਤੇ ਨਸ਼ਟ

ਨਿੱਜੀ ਪੱਤਰ ਪ੍ਰੇਰਕ
ਅੰਬਾਲਾ, 7 ਫਰਵਰੀ
ਆਈਜੀ ਅੰਬਾਲਾ ਰੇਂਜ ਅੰਬਾਲਾ ਕੈਂਟ ਸ਼ਬਿਾਸ ਕਵੀਰਾਜ ਦੀ ਅਗਵਾਈ ਵਿਚ ਫੜੇ ਗਏ ਕਰੀਬ ਤਿੰਨ ਟਨ ਨਸ਼ੀਲੇ ਪਦਾਰਥ ਅੱਜ 7 ਫਰਵਰੀ ਨੂੰ ਨਸ਼ਟ ਕੀਤੇ ਗਏ। ਇਸ ਮੌਕੇ ਅੰਬਾਲਾ ਐੱਸਪੀ ਜਸ਼ਨਦੀਪ ਸਿੰਘ ਰੰਧਾਵਾ, ਯਮੁਨਾਨਗਰ ਐਸਪੀ ਗੰਗਾ ਰਾਮ ਤੇ ਕੁਰੂਕਸ਼ੇਤਰ ਦੇ ਐਸਪੀ ਸੁਰਿੰਦਰ ਭੌਰੀਆ ਮੌਜੂਦ ਰਹੇ। ਪੰਜੋਖਰਾ ਥਾਣੇ ਤਹਿਤ ਭੜੋਗ ਪਿੰਡ ਵਿੱਚ ਰੁਦਰਾਕਸ਼ ਐਨਵਾਇਰ ਕੇਅਰ ਕੰਪਨੀ ’ਚ ਅੰਬਾਲਾ ਰੇਂਜ ਦੇ ਮਾਲਖ਼ਾਨਿਆਂ ਵਿੱਚ ਜਮ੍ਹਾਂ ਤਸਕਰੀ ’ਚ ਫੜੇ ਗਏ ਨਸ਼ੀਲੇ ਪਦਾਰਥ ਨਸ਼ਟ ਕਰਨ ਦੀ ਨਿਯਮਾਂ ਅਨੁਸਾਰ ਕਾਰਵਾਈ ਕੀਤੀ ਗਈ। ਪੁਲੀਸ ਵੱਲੋਂ ਦਿੱਤੀ ਗਈ ਜਾਣਕਾਰੀ ਅਨੁਸਾਰ ਨਸ਼ਟ ਕੀਤੇ ਗਏ ਨਸ਼ੀਲੇ ਪਦਾਰਥ ਅੰਬਾਲਾ ਜ਼ਿਲ੍ਹੇ ਦੇ 33, ਕੁਰੂਕਸ਼ੇਤਰ ਦੇ 63 ਅਤੇ ਯਮੁਨਾਨਗਰ ਜ਼ਿਲ੍ਹੇ ਦੇ 73 ਤਸਕਰੀ ਮਾਮਲਿਆਂ ਵਿੱਚ ਜ਼ਬਤ ਕੀਤੇ ਗਏ ਸਨ।