ਕਾਵਿ ਸੰਗ੍ਰਹਿ ‘ਕਿੱਸਾ ਏ ਗੁਲਾਬ’ ਦੀ ਘੁੰਡ ਚੁਕਾਈ

ਫ਼ਾਜ਼ਿਲਕਾ (ਪਰਮਜੀਤ ਸਿੰਘ): ਜ਼ਿਲ੍ਹਾ ਸਿੱਖਿਆ ਅਫ਼ਸਰ (ਸੈਸਿ ਅਤੇ ਐਸਿ) ਡਾ. ਤ੍ਰਿਲੋਚਨ ਸਿੰਘ ਸਿੱਧੂ ਅਤੇ ਡਾ. ਸੁਖਵੀਰ ਸਿੰਘ ਬੱਲ ਅਤੇ ਡਿਪਟੀ ਡੀਈਓ ਬ੍ਰਿਜ ਮੋਹਨ ਬੇਦੀ ਵੱਲੋਂ ਸਵਰਗੀ ਗਿਆਨੀ ਆਗਿਆਕਾਰ ਸਿੰਘ ਦੇ ਪੋਤਰੇ ਕਰਨਪ੍ਰੀਤ ਸਿੰਘ ਵੱਲੋਂ ਕੈਨੇਡਾ ਦੀ ਧਰਤੀ ’ਤੇ ਪੜ੍ਹਾਈ ਦੌਰਾਨ ਲਿਖੀ ਕਾਵਿ ਸੰਗ੍ਰਹਿ ਪੁਸਤਕ ‘ਕਿੱਸਾ ਏ ਗੁਲਾਬ’ ਰਿਲੀਜ਼ ਕੀਤੀ ਗਈ। ਇਸ ਮੌਕੇ ਕ੍ਰਿਸ਼ਨ ਸਿੰਘ ਰਿਟਾਇਰਡ ਸੀਐੱਚਟੀ ਫ਼ਾਜ਼ਿਲਕਾ, ਗੁਰਮੀਤ ਸਿੰਘ ਪ੍ਰਿੰਸੀਪਲ (ਲੇਖਕ) ਰਿਟਾਇਰਡ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲਾ ਲਾਲੋਵਾਲੀ, ਕੁਲਵੰਤ ਸਿੰਘ ਰਿਟਾਇਰਡ ਪੰਜਾਬੀ ਮਾਸਟਰ ਸਰਕਾਰੀ ਹਾਈ ਸਕੂਲ ਚੁਵਾੜੀਆਂ ਵਾਲੀ ਅਤੇ ਪਿਤਾ ਜਸਵਿੰਦਰ ਸਿੰਘ ਪਿਤਾ ਹਾਜ਼ਰ ਸਨ।